کندھ کوٹ میں ڈاکوؤں نے گزشتہ ایک ماہ کے دوراں سات بچوں اور ایک خاتوں سمیت 30 سے زائد افراد کو اغوا کرلیا۔

کندھ کوٹ میں ڈاکو راج عروج پر ہے، اور صرف ایک ماہ میں 7 بچوں اور ایک خاتون سمیت 30 سے زائد افراد اغوا کرلیا گیا ہے، تاہم پولیس تاحال ان افراد کو بازیاب کرانے میں ناکام ہے۔

اغوا ہونے والے بچوں میں 3 سالہ عظیم مینک، 5 سالہ فرحان سومرو، 6 سالہ صداقت ہاجانو، 2 سالہ کوثر کوسو، 8 سالہ جئے دیپ کمار، 10 سالہ مقبول میرانی اور 5 سالہ علی شاہ چنا شامل ہے۔

بے لگام ڈاکو مغویوں کی ویڈیو وائرل کرکے منہ مانگا تاوان وصول کرتے ہیں۔

دوسری جانب ایس ایس پی عرفان سمو کا کہنا ہے کہ پولیس ڈاکوؤں سے مقابلہ کر رہی ہے، ڈاکو شہریوں کو ہنی ٹریپ کے ذریعے اغوا کر رہے ہیں، لیکن جلد مغویوں کو بازیاب کرالیا جائے گا۔