وزیرخارجہ بلاول بھٹو زرداری کہنا ہے کہ ہم اپنی حکومت کی مدت کے اختتام کے قریب ہیں۔

اسلام آباد میں ڈپلومیٹک کور کے اعزاز میں عشائیے کی تقریب سے خطاب کرتے ہوئے وزیر خارجہ بلاول بھٹو کا کہنا تھا کہ دنیا کے ساتھ اچھے تعلقات کے خواہاں ہیں، اور ہمسائیہ ممالک کے ساتھ اچھے تعلقات چاہتے ہیں، 15 ماہ میں عالمی سطح پر خارجہ تعلقات میں بہتری آئی۔

بلاول بھٹو نے کہا کہ ہم اپنی حکومت کی مدت کے اختتام کے قریب ہیں، بطور وزیر خارجہ دنیا کے مختلف ممالک کا دورہ کیا اور دنیا سے پاکستان کے تعلقات بہتر بنانے کی بھرپورکوشش کی۔

وزیرخارجہ کا کہنا تھا کہ موسمی تبدیلی کے باعث سیلاب سے بڑی تباہی کا سامنا کرنا پڑا، کوپ27 کانفرنس میں دوست ممالک نے تعاون کا وعدہ کیا۔

بلاول بھٹو کا مزید کہنا تھا کہ پاکستان نے آئی ایم ایف کے ساتھ کامیابی کے ساتھ معاہدہ کیا۔