Aaj News

پیر, اپريل 22, 2024  
13 Shawwal 1445  

نیو کراچی میں پانی کے کنکشن منقطع، حافظ نعیم کا آج شہر بھر میں احتجاج کا اعلان

آج شہر کے دس مقامات پر پانی کی بندش کے خلاف احتجاج کیا جائے گا۔
شائع 31 جولائ 2023 08:37am
تصویر: ٹوئٹر/کراچی جماعت
تصویر: ٹوئٹر/کراچی جماعت

کراچی میں پانی کا بحران شدت اختیار کرگیا ہے، نیوکراچی کے مکین پانی کی بوند بوند کو ترس گئے، علاقہ مکین سڑک پر لگا برما چلا کر پانی بھرنے پر مجبور ہیں۔

اس حوالے سے امیر جماعت اسلامی کراچی حافظ نعیم الرحمان نے آج شہر کے دس مقامات پر پانی کی بندش کے خلاف احتجاج کا اعلان کردیا ہے۔

نعیم الرحمان نے پریس کانفرنس میں کہا کہ حکومت نے بحران کا حل ڈھونڈنے کے بجائے نیو کراچی میں پانی کا کنکشن کاٹ دیا۔

نیو کراچی کے مکین کہتے ہیں کئی روز گزر گئے لیکن پانی نہیں آرہا، برمے سے گدلا پانی بھر کر استعمال کرتے ہیں جبکہ پینے اور پکانے کےلئے پانی خریدنا پڑتا ہے۔

پانی کی عدم دستیابی سے پریشان علاقہ مکین کہتے ہیں کئی بار شکایت کی لیکن کوئی پوچھنے والا نہیں ہے۔

خواتین، بچے اور بزرگ دور دراز علاقوں سے رکشہ اور موٹر سائیکلوں پر پانی بھرنے آرہے ہیں۔

Hafiz Naeem ur Rehman

Jamat e Islami

New Karachi

Water Disconnected

Comments are closed on this story.

تبصرے

تبولا

Taboola ads will show in this div