پیپلز پارٹی کے رہنما سینیٹر رضا ربانی نے الیکشن کمیشن سے فوری حلقہ بندیوں کے لیے درکار مدت بتانے کا مطالبہ کرتے ہوئے کہا ہے کہ الیکشن کمیشن پنجاب اور خیبرپختوانخوا الیکشن کے حوالے سے قائم روایت کو برقرار نہ رکھے، مقررہ مدت میں انتخابات نہ ہونے سے وفاق کے لیے سنگین نتائج ہوں گے۔

سابق چیئرمین سینیٹ میاں رضا ربانی نے اپنے ایک بیان میں کہا کہ قومی اسمبلی تحلیل ہوئے 6 روز ہو چکے ہیں، آئینی تقاضا پورا کرنے 90 روز میں الیکشن انعقاد لازم ہے، افسوسناک ہے کہ الیکشن کمشن نے عام انتخابات انعقاد کے حوالے سے کوئی جامع بیان جاری نہیں کیا۔

مزید پڑھیں

سپریم کورٹ نے نئی حلقہ بندیوں کیخلاف تحریک انصاف کو ترمیم شدہ درخواستیں جمع کرانے کی ہدایت کردی

سپریم کورٹ نے حلقہ بندیوں کا معاملہ واپس الیکشن کمیشن کو بھجوا دیا

الیکشن کمیشن نے قومی و صوبائی اسمبلیوں پر حلقہ بندیاں شروع کردی

انہوں نے کہا کہ الیکشن کمیشن فوری طور پر حلقہ بندیوں کے لیے درکار مدت بتائے، الیکشن کمیشن اس معاملے کو معمول نہ بنا لے، الیکشن کمیشن پنجاب اورخیبرپختوانخوا الیکشن کے حوالے سے قائم روایت کو برقرار نہ رکھے، مقررہ مدت میں انتخابات نہ ہونے سے وفاق کے لیے سنگین نتائج ہوں گے، اس کی ذمہ داری الیکشن کمیشن پرعائد ہوگی۔

پیپلز پارٹی کے رہنما رضا ربانی نے مزید کہا کہ الیکشن کمشن اپنی آیینی ذمہ داری فوری ادا کرے۔