انٹر بینک اور اوپن مارکیٹ میں قیمت بڑھنے سے ڈالر کی قیمت ملکی تاریخ کی بلند ترین سطح پر پہنچ گئی۔ ملکی تبادلہ منڈیوں میں روپے کے مقابلے امریکی ڈالر 300 روپے سے تجاوز کرگیا۔ پاکستان اسٹاک ایکس چینج میں کاروبار مثبت رہا۔

انٹر بینک میں دوران ٹریڈنگ امریکی کرنسی کی قدر بڑھتی گھٹتی رہی تاہم کاروبار کے اختتام پر ڈالر کی قیمت میں 58 پیسے کا اضافہ ہوا۔

اسٹیٹ بینک کے مطابق انٹربینک میں ڈالر 58 پیسے اضافے سے 300 روپے 22 پیسے پر بند ہوا۔

ڈیلرز کے مطابق اوپن مارکیٹ میں 2 روپے اضافے کے بعد ڈالر 316 روپے کا ہوگیا۔

گزشتہ روز انٹر بینک میں ڈالر کی قدر 299 روپے 64 پیسے ریکارڈ کی گئی تھی جب کہ اوپن مارکیٹ میں ڈالر کے بھاؤ میں 6 روپے اضافہ ہوا تھا۔

دوسری جانب پاکستان اسٹاک ایکس چینج میں کاروبار مثبت رہا۔

100انڈیکس 332 پوائنٹس اضافے سے 47 ہزار 750 پوائنٹس پر بند ہوا۔