بھارتی اداکارشاہ رخ خان نے دبئی کے برج خلیفہ پر فلم ’جوان‘ کے ٹریلرکی ریلیز کے دوران ایک انوکھی بات کہہ دی۔

بالی ووڈ سپراسٹار نے کہا کہ انہیں اس فلم میں متعدد کردارادا کرنے پڑے کیونکہ اس میں تفریح کا ہر ممکن عنصر شامل ہے۔

شاہ رخ خان کا کہنا تھا کہ فلم کے لیے انہیں گنجا ہونا پڑا۔

اداکارنے دلچسپ اندازاپناتے ہوئے کہا کہ ’ابھی آپ لوگوں کے لیے میں گنجا بھی ہوگیا ہوں تواسی کی عزت کے لیے چلے جانا‘۔

انہوں نے مزید کہا، ’مجھے فلم میں 6 یا 7 گیٹ اپ کرنا پڑے، اور میں گنجا بھی ہوا ہوں۔ لہذا یہ ایک ایسی چیز ہے جو میں زندگی میں کبھی دوبارہ نہیں کروں گا، یہ پہلی اور آخری بار ہے‘۔

مزید پڑھیں:

بیوی کو کیسے سنبھالیں، مشورہ مانگنے والے کو شاہ رخ خان کا جواب

شاہ رخ خان کی فلم پٹھان کا ٹریلر لیک ! فلم سازوں کو جھٹکا

شاہ رخ خان کا فلم ”جوان“ دیکھنے والوں کیلئے تحفے کا اعلان

فلم ”جوان“ شاہ رخ خان کی پہلی پین انڈین فلم ہے، اداکار کا کہنا ہے کہ ایکشن فلم کا مقصد زبان، مذہب، ذات پات، نسل یا رنگ کی کسی رکاوٹ کے بغیر لوگوں کو تفریح فراہم کرنا تھا۔

اس کے بعد انہوں نے مزید کہا، ’ہمیں اس دنیا کی سب سے بڑی طاقت یعنی خواتین کو بااختیار بنانے کی ضرورت ہے، لہذا ہمیں انہیں بااختیار بنانا ہوگا۔ لہٰذا یہ فلم ان کے بارے میں ہے لیکن اس میں محبت، خوشی، ایکشن، ڈرامہ، جذبات، یہ سب کچھ ہوگا‘۔

فلم ”جوان“ میں نینتھارا، سانیا ملہوترا، ریشی ڈوگرہ، پریا منی اور دپیکا پڈوکون بھی نظر آئیں گی، فلم 7 ستمبر کو سینما گھروں میں ریلیز ہوگی۔