Aaj News

جمعرات, فروری 29, 2024  
18 Shaban 1445  

ون ڈے کرکٹ میں صبر کے ساتھ باولنگ کرنی پڑتی ہے، نسیم شاہ

ون ڈے فارمیٹ تھوڑا تبدیل ہوتا ہے لیکن یہ تجربہ بہت مختلف تھا، نسیم شاہ
شائع 03 ستمبر 2023 01:13pm
فوٹو:اسکرین گریپ
فوٹو:اسکرین گریپ

فاسٹ باولر نسیم شاہ کا کہنا ہے کہ ون ڈے فارمیٹ تھوڑا تبدیل ہوتا ہے اور اس میں صبر کے ساتھ بولنگ کرنی پڑتی ہے، بھارت کے خلاف میچ میںتجربہ بہت مختلف تھا۔

پاک بھارت میچ کے بعد بات کرتے ہوئے پاکستان کے مایہ ناز فاسٹ بولر نسیم شاہ کا کہنا تھا کہ ایک روزہ میچز کا فارمیٹ ٹی ٹوینٹی سے تھوڑا مختلف ہوتا ہے، بھارت کے خلاف ٹی ٹوینٹی تو کھیل چکا ہوں، ون ڈے کا تجربہ نیا تھا اللہ کا شکر ہے اچھی باولنگ ہوئی۔

نسیم شاہ نے کہا کہ ون ڈے کرکٹ میں صبر کے ساتھ باولنگ کرنی پڑتی ہے، شروع میں گیند سوئنگ ہورہا تھا اچھی جگہ باولنگ کرنے کےلئے کوشاں تھا، اور کوشش کی کہ ان کو رنز نہ بنانے دوں۔

فاسٹ بولر کا کہنا تھا کہ شاہین آفریدی نے شروعات میں بہترین باولنگ کی، اور پھر حارث روف نے درمیان میں آکر بہت اچھی باولنگ کی، ٹیم کا ہر کھلاڑی کوشش کررہا تھا اور ہم کامیاب ہوئے، بالخصوص پاکستان کے تینوں فاسٹ بولرز نے اچھی کارکردگی دکھائی۔

نسیم شاہ نے بتایا کہ قذافی اسٹیڈیم میں کھیلنے کا بہت تجربہ ہے، میں نے 16 سال کی عمر سے ہی وہاں کھیلنا شروع کیا اور بہت کچھ سیکھا، لاہور میں کرکٹ کو انجوائے کرتا ہوں۔

Pakistan Cricket Team

Naseem shah

Pakistan vs India

Comments are closed on this story.

تبصرے

تبولا

Taboola ads will show in this div