Aaj News

جمعہ, مارچ 01, 2024  
19 Shaban 1445  

صداقت عباسی کی مبینہ گمشدگی پر آئی جی اسلام آباد سے رپورٹ طلب

صداقت عباسی اسلام آباد پولیس کی تحویل میں نہیں، آئی جی اسلام آباد
شائع 05 ستمبر 2023 11:46am
تحریک انصاف کے سابق رکن قومی اسمبلی صداقت عباسی۔ فوتو — فائل
تحریک انصاف کے سابق رکن قومی اسمبلی صداقت عباسی۔ فوتو — فائل

اسلام آباد ہائی کورٹ نے تحریک انصاف کے سابق رکن قومی اسمبلی صداقت عباسی کی مبینہ گمشدگی پر آئی جی اسلام آباد پولیس سے ایک ہفتے میں رپورٹ طلب کرلی۔

اسلام آباد ہائی کورٹ کے جسٹس طارق محمود جہانگیری نے صداقت عباسی کے مبینہ اغوا کے خلاف درخواست پرسماعت کی۔

اس موقع پر ایس ایس پی آپریشنز اسلام آباد پولیس نےعدالتی حکم پر رپورٹ کرواتے ہوئے بتایا کہ صداقت عباسی اسلام آباد پولیس کی تحویل میں نہیں ہیں۔

پولیس نے بتایا کہ صداقت عباسی کی مبینہ گمشدگی کے حوالے سے مقدمہ تھانہ سیکرٹریٹ میں درج کرلیا ہے۔

یہ بھی پڑھیں:

شہزاد اکبر کے بھائی 3 ماہ کی گمشدگی کے بعد گھر پہنچ گئے

پی ٹی آئی کے رہنما ڈاکٹر امجدعلی کو گرفتار کر لیا گیا

عدالت نے معاملے پر آئی جی اسلام آباد سے ایک ہفتے میں رپورٹ طلب کرلی جب کہ معاملے پر وزارت دفاع اور وزارت داخلہ کو خط لکھنے کی ہدایت کردی۔

اسلام آباد ہائی کورٹ کا کہنا تھا کہ معلومات کی جائیں صداقت عباسی ان وزارتوں کے ماتحت اداروں کی تحویل میں تو نہیں، ایس ایس پی آپریشنز معاملے کی تحقیقات کے لئے سینئر آفیسر کو تعینات کریں۔

عدالت نے کیس کی سماعت 13 ستمبر تک ملتوی کردی۔

pti

IG Islamabad

Islamabad High Court

sadaqat abbasi

Comments are closed on this story.

تبصرے

تبولا

Taboola ads will show in this div