Aaj News

بدھ, فروری 28, 2024  
17 Shaban 1445  

موجودہ اور 92 کا ورلڈ کپ جیتنے والی ٹیم میں حیران کن مماثلت

ورلڈ کپ کے قریب آتے ہی 92 ورلڈ کپ کی چیمپئن سے موجودہ ٹیم کی کنڈلیاں ملانا شروع
شائع 02 اکتوبر 2023 10:54pm

آئی سی سی کرکٹ ورلڈ کپ 2023 جوں جوں قریب آرہا ہے ایسے میں پاکستانی قوم نے گرین شرٹس کی جیت کے امکانات جاننے کے لیے 92 کے ورلڈ کپ کی چیمپئن ٹیم سے موجودہ ٹیم کی کنڈلیاں ملانا شروع کر دیں۔

بھارت میں شیڈول آئی سی سی کرکٹ ورلڈ کپ شروع ہونے سے قبل موجودہ قومی ٹیم اور 92 کا ورلڈ کپ جیتنے والی پاکستانی ٹیم میں حیران کن مماثلتیں سامنے آرہی ہیں۔

ورلڈکپ سے قبل قومی ٹیم کے حوالے سے مختلف قسم کے تجزیے اور تبصرے کیے جا رہے ہیں، کوئی پاکستانی ٹیم کو خطرناک قرار دے رہا ہے تو کوئی کہہ رہا ہے کہ موجودہ پاکستانی ٹیم میں ورلڈ کپ جیتنے کی صلاحیت نہیں۔

لیکن سوشل میڈیا پر اس حوالے سے ایک ویڈیو بھی وائرل ہو رہی ہے جس میں ایک شخص کی جانب سے ورلڈکپ 2023 اور 1992 سے قبل پاکستانی ٹیم سے متعلق حیران کن مماثلتیں بیان کی جا رہی ہیں۔

92 اور 2023 کے ورلڈکپ سے قبل پاکستان ٹیم کیلئے مشترک چیزیں

رپورٹ کے مطابق 92 کے کرکٹ ورلڈ کپ سے پہلے بھی ایشیا کپ بھارت جیتا تھا اور اس بار بھی ایسا ہی ہوا ہے۔

92 کے ورلڈ کپ سے پہلے بھی ہمارا ایک فاسٹ بولر انجرڈ ہوگیا تھا اور اس بار بھی ہمارا ایک فاسٹ بولر انجرڈ ہے۔

92 کے ورلڈ کپ میں بھی قومی ٹیم کے کپتان کے نام میں 9 حروف تھے یعنی عمران خان اور بابر اعظم کے نام میں بھی 9 حروف ہیں۔

مزید پڑھیں

ورلڈ کپ: بھارت نے میچ سے قبل جنوبی افریقہ کی ٹیم کو مشکل میں ڈال دیا

ٹیم ڈائریکٹر مکی آرتھر نے حیدرآباد میں پاکستانی کھلاڑیوں کو جوائن کرلیا

ورلڈ کپ: ویرات کوہلی اسکواڈ کو چھوڑ کر ممبئی چلے گئے

92 کے ورلڈ کپ میں بھی پاکستانی ٹیم کے کپتان غیر شادی شدہ تھے اور پاکستان ٹیم کے موجودہ کپتان بابر اعظم بھی غیر شادی شدہ ہیں۔

92 کے ورلڈ کپ سے پہلے بھی پاکستانی ٹیم آئی سی سی رینکنگ میں دوسرے نمبر پر تھی اور اب بھی قومی ٹیم آئی سی سی رینکنگ میں دوسرے نمبر پر ہے۔

india

ICC

ODI World Cup

world cup 2023

ICC ODI WORLD CUP 2023

Pakistani Cricket team

world cup 1992

Comments are closed on this story.

تبصرے

تبولا

Taboola ads will show in this div