زرعی اور غذائی اشیا کی برآمد میں 27 فیصد سے زائد اضافہ ہوگیا۔

ٹریڈ ڈیولپمنٹ اتھارٹی آف پاکستان کے مطابق رواں مالی سال کی پہلی سہ ماہی کے دوران ایک ارب 20 کروڑ ڈالر کی مکئی، چاول، گوشت، سبزی اور مچھلی سمیت دیگر اشیا برامد کی گئیں۔

رپورٹ میں بتایا گیا کہ گزشتہ سال جولائی سے ستمبر 2022 کے دوران 87 کروڑ 40 لاکھ ڈالر کی غذائی اشیا برآمد کی گئی تھیں۔

زرعی ماہرین کے مطابق سیلاب کے بعد زرعی اجناس کی پیداوار میں اضافہ ہوا ہے، چین، جاپان، ویت نام، ملائیشیا، کوریا اور عمان پاکستان کے لئے بڑی مارکیٹ بن کر سامنے آئے ہیں۔

یہ بھی پڑھیں:

عالمی مارکیٹ میں خام تیل مسلسل تیسری بار سستا

روپے کے مقابلے ڈالر مزید سستا ہوگیا

ٹی ڈیپ کے چیف ایگزیکٹیو زبیر موتی والا کا کہنا ہے کہ رواں مالی سال زرعی اور غذائی اشیا کی برآمد 7 ارب ڈالر سے تجاوز کر جائے گی۔