آئی سی سی کرکٹ ورلڈ کپ میں پاک بھارت میچ کے دوران آل راؤنڈر ہاردک پانڈیا نے گیند پر کچھ پھونکا اور پاکستانی اوپننگ بلے امام الحق آؤٹ ہوگئے، جس کے بعد سوشل میڈیا پر بحث چھڑ گئی۔

ورلڈکپ میں پاک بھارت میچ کے دوران بھارتی بولر ہاردک پانڈیا کا پاکستانی اوپننگ بلے باز امام الحق کو آؤٹ کرنا سوشل میڈیا پر بحث کا موضوع بن گیا۔

امام الحق کی وکٹ والی گیند پھینکنے سے پہلے ہاردک پانڈیا نے ہاتھوں میں گیند پر جیسے کچھ پڑھ کر پھونکا پھر گیند کرائی جس پر امام الحق وکٹوں کے پیچھے کيچ آؤٹ ہوگئے۔

اس پر سوشل میڈیا پر نئی بحث شروع ہوگئی، کسی نے کہا کہ پانڈیا نے گیند پر تھوکا ہے تو کسی نے کہا کہ کوئی منتر پڑھ کر پھونکا ہے۔

خیال رہے کہ بھارت کے خلاف پاکستان کی بیٹنگ لائن بری طرح ناکام رہی اور پوری پاکستانی ٹیم 42 اعشاریہ 5 اوور میں 191 رن پر ڈھیر ہوگئی۔