Aaj News

منگل, مئ 28, 2024  
19 Dhul-Qadah 1445  

ماہرہ خان کو فلسطین کی حمایت کی مہنگی قیمت چکانی پڑگئی

اداکارہ نے اس کے باوجود فلسطین کی حمایت جاری رکھی
اپ ڈیٹ 20 اکتوبر 2023 12:36pm
تصویر: فائل فوٹو
تصویر: فائل فوٹو

پاکستان شوبز انڈسٹری کی معروف اداکارہ ماہرہ خان کو فلسطین کی حمایت مہنگی پڑگئی، اداکارہ کا سوشل میڈیا اکاؤنٹ ’شیڈوبین‘ کردیا گیا۔

اداکارہ نے اپنے سوشل میڈیا اکاؤنٹ انسٹاگرام پر اسٹوری شئیر کی ہے جس میں انہوں نے لکھا کہ ’بہت خوب، میرا انسٹا اکاؤنٹ شیڈو بین کردیا گیا‘۔

ماہرہ نے اس کے باوجود فلسطین کی حمایت کرتے ہوئے فلسطین کے پرچم کے کئی ایموجیز بنائے۔

شیڈوبین کیا ہے؟

میٹا کے زیرِ ملکیت سوشل میڈیا پلیٹ فارم انسٹاگرام جب کسی اکاؤنٹ پر شیڈوبین کی پابندی لگاتا ہے تو اُس صارف کی پوسٹ اُس کے فالوورز کی انسٹاگرام فیڈزکے اوپر نظر نہیں آتی جبکہ وہ اکاؤنٹ سرچ لِسٹ میں بھی نہیں آتا۔

مزید پڑھیں:

نور بخاری کا ماہرہ خان کو اللہ کی طرف لوٹنے کا مشورہ

’کیا ہزاروں بے گناہ فلسطینیوں کا خون کافی نہیں ہے؟‘

’مجھے خون کا پیسہ نہیں چاہیے‘، اسرائیلی دھمکی پر ہدیٰ بیوٹی کی بانی کا جواب

شیڈوبین کے نتیجے جب صارفین تک وہ پوسٹ پہنچ ہی نہیں پاتی تو اس پوسٹ کو ویوز بھی نہیں ملتے ہیں۔

میٹا نے فیس بُک کے ساتھ ساتھ انسٹاگرام پر فلسطین کی حمایت میں تصاویر اور ویڈیوز پوسٹ کرنے والے صارفین کے تمام اکاؤنٹس کو ’شیڈو بین‘ کرنا شروع کردیا ہے۔ تاہم فلسطین کی حمایت کرنے والے پیجز کو بھی بلاک کیا جا رہا ہے۔

ماہرہ خان نے پابندی کے باوجود فلسطین کی حمایت جاری رکھی اور اپنی انسٹاگرام اسٹوری پر اس ملک کے پرچم کا ایموجی بھی پوسٹ کیا۔

اداکارہ نے غزہ کے معصوم بچوں کے بیہمانہ قتل پر اسرائیل کی شدید مذمت کی تھی، جس کے بعد ان کا انسٹاگرام اکاؤنٹ شیڈوبین کردیا گیا۔

غزہ کے الاحلی اسپتال پر اسرائیلی فضائی حملے میں بے گناہ فلسطینیوں کی ہلاکتوں کے بعد دنیا بھر کے مسلم ممالک شدید برہم ہیں، دنیا بھر میں اسرائیلی فوج کی شدید مذمت کی جارہی ہے۔

فلسطین اور اسرائیلی کے درمیان جاری اس کشیدگی میں اب تک بچوں اور خواتین سمیت ہزاروں مسلمان شہید ہوچکے ہیں۔

Palestine

Instagram

mahira khan

Palestinian Israeli Conflict

Shadow Banned