Aaj News

جمعرات, اپريل 25, 2024  
16 Shawwal 1445  

4 ماہ میں تجارتی خسارہ 7 ارب 41 کروڑ ڈالر ریکارڈ، اعداد و شمار جاری

جولائی سے اکتوبر برآمدات میں 0.66 فیصد کا اضافہ ہوا
شائع 01 نومبر 2023 10:36pm

ادارہ شماریات نے تجارتی اعداد و شمار سے متعلق رپورٹ جاری کر دی، رواں مالی سال جولائی سے اکتوبر تجارتی خسارہ 7 ارب 41 کروڑ ڈالر ریکارڈ ہوا جبکہ گزشتہ مالی سال کی نسبت جولائی سے اکتوبر برآمدات میں 0.66 فیصد کا اضافہ ہوا ہے۔

ادارہ شماریات کی رپورٹ کے مطابق گزشتہ مالی سال کی نسبت جولائی سے اکتوبر درآمدات میں 18.54 فیصد کی کمی ریکارڈ ہوئی جبکہ جولائی سے اکتوبر کے دوران 9 ارب 61 کروڑ ڈالر کی برآمدات ریکارڈ ہوئیں۔

گزشتہ مالی سال اسی عرصے کے دوران 9 ارب 55 کروڑ ڈالر کی برآمدات ریکارڈ ہوئی تھیں۔

ادارہ شماریات کے مطابق جولائی سے اکتوبر کے دوران 17 ارب 3 کروڑ ڈالر کی درآمدات ریکارڈ ہوئیں۔

گزشتہ مالی سال اسی عرصے میں 20 ارب 91 کروڑ ڈالر سے زائد کی درآمدات ہوئی تھیں۔

ستمبر کی نسبت اکتوبر میں برآمدات میں 9.33 فیصد کا اضافہ ریکارڈ ہوا ہے، رواں مالی سال اکتوبر کے دوران 2 ارب 70 کروڑ ڈالر سے زائد کی برآمدات ہوئی ہیں۔

مزید پڑھیں

تجارتی خسارہ 3 ماہ کے دوران 100 فیصد بڑھ گیا

پاکستانی ٹیکسٹائل مصنوعات کی برآمدات مئی میں 20 فیصد تک گر گئیں

جولائی تا جنوری تجارتی خسارے میں 31 فیصد سے زائد کمی ریکارڈ

ادارہ شماریات کے مطابق اکتوبر 2023ء کے دوران 4 ارب 80 کروڑ ڈالر درآمدات ریکارڈ ہوئیں، ستمبر کی نسبت اکتوبر کے دوران درآمدات میں 20.33 فیصد کی کمی ریکارڈ ہوئی ہے۔

trade

Exports

Trade Deficit

IMPORTS

Pakistan Bureau of Statistics

Comments are closed on this story.

تبصرے

تبولا

Taboola ads will show in this div