رواں سال انڈسٹری کو دو سُپرہٹ فلمیں دینے کے بعد بالی ووڈ کے ’کنگ‘ شاہ رخ خان کی تیسری فلم ’ڈنکی‘ کا ٹیزر جاری کردیا گیا۔

شاہ رخ خان کو ان کی سالگرہ کے موقع پر مبارکباد دینے اور نیک خواہشات کا اظہار کرنے کے لیے مداح بڑی تعداد میں آدھی رات کو ان کے گھر ’منت ہاؤس‘ کے باہر جمع ہوئے۔

اداکار نے بھی گھر کی بالکونی میں آ کر اپنے مشہور انداز میں پوز دے کر مداحوں کی جانب سے ملنے والی محبت کا جواب دیا۔

تاہم شاہ رخ خان کی 58 ویں سالگرہ کے موقع پر بلاک بسٹر فلم پٹھان اور جوان کی کامیابی کے بعد اس سال کی تیسری فلم کا ڈنکی کا ٹیزر جاری کردیا گیا۔

اداکار کے مداحوں کو فلم ڈنکی کی ایک جھلک کا بے صبری سے انتظار تھا جسے فلمساز راجکمار ہیرانی نے شاہ رخ خان کی سالگرہ کے موقع پر ایک تحفے کی صورت میں دیا ہے۔

ٹیزر میں دیکھا جاسکتا ہے کہ دوستوں کا ایک گروپ ہے جو لندن میں کام کرنے اور رہنے کی امید رکھتے ہیں، ان گروپ میں شاہ رخ خان اپنے دوستوں کے ساتھ تاپسی پنو، وکی کوشل اور دو دیگر شامل ہیں۔

فلم میں دیا مرزا، بومن ایرانی، دھرمیندر سمیت دیگر اہم اداکار بھی نظر آئیں گے یہ فلم 21 دسمبر کو ریلیز کی جائے گی ۔

اس سے قبل شاہ رخ خان کی دونوں فلمیں ’ پٹھان’ اور ’جوان‘ باکس آفس پر مقبولیت اور کمائی کے نئے ریکارڈ بنا چکی ہیں۔