تھانہ وارث خان پولیس نے کارروائی کرتے ہوئے اپنی سگی بیٹی سے زیادتی کرنے والے درندہ صفت ملزم باپ کو گرفتار کرلیا۔مقدمہ متاثرہ بچی کی والدہ کی مدعیت میں درج کیا گیا ہے

پولیس حکام کے مطابق راولپنڈی کے تھانہ وارث خان کی حدود میں سفاک ملزم نے اپنی 9 سالہ بچی سے زیادتی کی تھی، واقعے کا مقدمہ متاثرہ بچی کی والدہ کی درخواست پر تھانہ وارث میں مقدمہ درج کیا گیا۔ مدعیہ مقدمہ نے بیان دیا کہ ملزم محمد اعظم نے میری 09سالہ بیٹی کو زیادتی کا نشانہ بنایا۔

حکام نے بتایا کہ وارث خان پولیس نے مقدمہ درج کرکے کارروائی کرتے ہوئے ملزم محمد اعظم کو گرفتار کرلیا ہے، اور متاثرہ بچی کا میڈیکل پراسس کروایا گیا ہے۔ ملزم کو قرار واقعی سزا دلوانے کے لیے تمام قانونی تقاضے پورے کیے جائیں گے۔