Aaj News

چاند نظر نہیں آیا، یکم جمادی الاول جمعرات 16 نومبر کو ہوگی

غزہ کے مسلمانوں کا ساتھ نہ دیا تو تاریخ ہمیں معاف نہیں کرے گی، چیئرمین رویت ہلال کمیٹی
شائع 14 نومبر 2023 10:55pm

ملک بھر میں جمادی الاول 1445 ہجری کا چاند نظر نہیں آیا جبکہ یکم جمادی الاول جمعرات 16 نومبر کو ہوگی۔

مرکزی رویت ہلال کمیٹی کا اجلاس چیئرمین کمیٹی مولانا عبدالخبیر آزاد کی زیر صدارت وزارت مذہبی امور میں ہوا، ماہرین فلکیات اور رویت ہلال کمیٹی کے ارکان نے وزارت مذہبی امور کی چھت پر دوربین کی مدد سے جمادی الاول کا چاند دیکھنے کی کوشش کی۔

اجلاس کے بعد مرکزی رویت ہلال کمیٹی کے چیئرمین مولانا عبدالخبیر آزاد نے پریس کانفرنس کرتے ہوئے کہا کہ پاکستان کے کسی علاقے سے چاند نظر آنے کی شہادت نہیں ملی، جس کے بعد متفقہ فیصلہ کیا گیا کہ یکم جمادی الاول 1445 بروز جمعرات 16 نومبر کو ہوگی۔

مولانا عبدالخبیر آزاد نے افواج پاکستان کے شہداء کے لیے دعائے مغفرت کرائی اور کہا کہ خودکش حملوں اور دہشت گردی کے خلاف 10 ہزار سے زائد علماء پاکستان نے فتویٰ دیا، وطن سے محبت ہمارے ایمان کا حصہ ہے، او آئی سی کانفرنس میں محمد بن سلمان سمیت مسلم حکمرانوں نے امہ کی نمائندگی کی۔

انہوں کا کہنا تھا کہ اسرائیل نے دہشت گردی کی انتہا کردی، اسرائیل فلسطینیوں پر بدترین ظلم ڈھارہا ہے، عالمی اداروں کو اپنا کردار ادا کرنا ہوگا، اگر غزہ کے مسلمانوں کا ساتھ نہ دیا تو تاریخ ہمیں معاف نہیں کرے گی، فلسطین اور قبلہ اول کو آزاد ہونا چاہیئے۔

مزید پڑھیں

ذی الحج کا چاند نظر آگیا،پاکستان میں عیدالاضحیٰ 29 جون کو ہوگی

عید الاضحیٰ کب منائی جائے گی

محرم الحرام کا چاند کب نظر آئے گا، محکمہ موسمیات نے پیشگوئی کردی

مولانا عبدالخبیر آزاد نے مزید کہا کہ آرمی چیف نے بھی فلسطینیوں کے ساتھ حمایت کا اعلان کیا، اسرائیل دہشت گر ریاست ہے، اللہ فلسطین اور کشمیر کے مسلمانوں کی مدد فرمائے۔

اسلام آباد

Ruet e Hilal Committee

Moon sighting

molana abdul khabir azad

Jumadil Awal

Comments are closed on this story.

تبصرے

تبولا

Taboola ads will show in this div