Aaj News

جمعرات, فروری 29, 2024  
18 Shaban 1445  

مولانا طارق جمیل کی ثناء خان کے ’طارق جمیل‘ سے دُبئی میں ملاقات

سابقہ اداکارہ نے ملاقات کی دلکش ویڈیو فالوورز کے لیے شیئر کی
اپ ڈیٹ 30 نومبر 2023 11:29am
اسکرین گریب: ثناء خان/انسٹاگرام
اسکرین گریب: ثناء خان/انسٹاگرام

اسلام کی خاطر شوبزکو خیرباد کہنے والی سابق بھارتی اداکارہ ثناء خان کی بیٹے اور شوہر کے ہمراہ معروف مذہبی اسکالر طارق جمیل سے ملاقات کی ویڈیو سوشل میڈیا پر وائرل ہے۔

سابق بھارتی اداکارہ نے اپنے سوشل میڈیا اکاؤنٹ انسٹاگرام پر فالوورز کے لیے ویڈیو شیئر کی۔

ویڈیو میں اداکارہ کے بیٹے طارق کو مذہبی اسکالرمولانا طارق جمیل کی گود میں دیکھا جاسکتا ہے۔

اداکارہ نے ویڈیو شیئر کرتے ہوئے لکھا کہ ’جونیئر طارق جمیل سینئر حضرت مولانا طارق جمیل صاحب سے ملاقات کر رہے ہیں‘۔

ویڈیو میں مولانا طارق جمیل کو ننھے طارق کے ساتھ کھیلتا ہوا دیکھا جاسکتا ہے۔

اداکارہ نے مزید لکھا کہ ’ہماری طرف سے مولانا طارق جمیل کیلئے دلوں کی گہرائی سے محبت اور بہت سارا احترام‘۔

ثناء خان نے مزید کہا کہ ’مولانا کو دیکھ کرواقعی اللہ یاد آجاتا ہے۔ وہ اندر سے خوبصورت انسان ہیں، اللہ تعالیٰ ان کی ہمیشہ حفاظت فرمائے اور انہیں صحت عطا فرمائے‘۔

ثناء خان نے مزید کہا کہ ’لوگ آپ کو توڑنے کی کوشش کر سکتے ہیں اور آپ کو اپنے مفاد کیلئے نشانہ بنا سکتے ہیں لیکن ہمیں مضبوط ہونا پڑے گا اور یہ اللہ سبحانہ و تعالیٰ کی طرف سے بھی ایک امتحان ہے‘۔

سابقہ بالی ووڈ اداکارہ ثنا خان نے 2020 میں مفتی انس سعید سے شادی کی تھی، یہ جوڑا اکثروبیشتر سوشل میڈیا پر وائرل رہتا ہے۔

رواں سال اس جوڑے کے ہاں بیٹے کی پیدائش ہوئی تھی جس کا نام اداکارہ نے طارق جمیل رکھا ہے۔

اداکارہ کے مطابق ان کی یہ خواہش تھی کہ ان کا بیٹا بڑا ہوکر مولانا طارق جمیل جیسا بنے۔

dubai

Viral Video

Indian Actress

lifestyle

Maulana Tariq Jameel

Sana khan

X Indian Actress

Son Meeting

Comments are closed on this story.

تبصرے

تبولا

Taboola ads will show in this div