ڈی جی ایکسائز اینڈ ٹیکسیشن سندھ اورنگزیب پنھور نے رواں مالی سال جولائی تا نومبر تک کی ٹیکس وصولی کی تفصیلات جاری کردیں۔

ڈی جی ایکسائز اینڈ ٹیکسیشن سندھ نے تفصیلات جاری کرتے ہوئے بتایا کہ رواں مالی سال جولائی تا نومبر تک محکمہ ایکسائز اینڈ ٹیکسیشن نے مجموعی طور پر 8 ارب 51 کروڑ 24 لاکھ روپے سے زائد کا ٹیکس وصول کیا۔

اورنگزیب پنھور نے بتایا کہ موٹر وہیکل ٹیکس کی مد میں 3 ارب 2 کروڑ سے زائد ٹیکس وصول کیا گیا، انفراسٹرکچر سیس کی مد میں 35 کروڑ 19 لاکھ روپے سے زائد ٹیکس وصول کیا گیا۔

اس کے علاوہ پروفیشنل ٹیکس کی مد میں 35 کروڑ 19 لاکھ روپے سے زائد ٹیکس وصول کیا گیا، کاٹن فیس کی مد میں 6 کروڑ 42 لاکھ سے زائد ٹیکس وصول کیا گیا جبکہ انٹرٹینمںٹ ڈیوٹی کی مد میں 2 کروڑ 51 لاکھ روپے سے زائد کا ٹیکس وصول کیا گیا ۔

مزید پڑھیں

ایف بی آر رواں مالی سال کا ٹیکس ہدف حاصل کرنے میں ناکام

حکومت کا 254 ارب روپے اضافی ٹیکس وصولی کا پلان تیار

ٹیکس وصولیوں میں کمی کا امکان ہے