Aaj News

ہفتہ, مارچ 02, 2024  
20 Shaban 1445  

چیف الیکشن کمشنر کے انتخابات سے متعلق بیان پر یقین کرنا چاہئے، شیخ رشید

اداروں کا احترام سب پر لازم ہے، سابق وزیر داخلہ
شائع 08 دسمبر 2023 10:23am
فوٹو — فائل
فوٹو — فائل

سابق وزیر داخلہ اور سربراہ عوامی مسلم لیگ (اے ایم ایل) شیخ رشید احمد کا کہنا ہے کہ ہمیں چیف الیکشن کمشنر کے انتخابات سے متعلق بیان پر یقین کرنا چاہئے۔

راولپنڈی میں میڈیا سے گفتگو کرتے ہوئے شیخ رشید نے کہا کہ اگست 2023 میں پنجاب حکومت نے بتایا تھا شیخ رشید کے خلاف کوئی کیس نہیں، آج میرے خلاف عدالت میں دس مقدمات کی تفصیل جمع کرائی گئی۔

انہوں نے کہا کہ میری چھوٹی سی دو حلقوں کی سیاست ہے، ہم نے پنڈی کے دونوں حلقوں میں کام کیا، بچپن سے یہ سوچ ہے سب کو ساتھ لیکر چلتا ہوں، اداروں کا احترام سب پر لازم ہے۔

شیخ رشید کا کہنا تھا کہ چلے کے بعد کوئی ٹویٹ بھی نہیں کیا، البتہ الیکشن نہیں ہوئے تو پرانی تنخواہ پر ہی کام کریں گے، ہمیں الیکشن کمشنرکے بیان پر یقین کرنا چاہیے، سکندر سلطان راجہ نے کہا الیکشن 8 فروری کو ہوں گے۔

rawalpindi

Sheikh Rasheed Ahmed

Sikander Sultan Raja

Election 2024

Comments are closed on this story.

تبصرے

تبولا

Taboola ads will show in this div