Aaj News

جمعہ, مارچ 01, 2024  
19 Shaban 1445  

عمران خان کیخلاف گواہی نہیں دونگا، ندیم افضل چن نے وضاحت کردی

نیب کو وہی بتایا جو کابینہ میں ہوا تھا، سابق وفاقی وزیر
شائع 10 دسمبر 2023 12:17pm
فوٹو:اسکرین گریپ
فوٹو:اسکرین گریپ

سابق وفاقی وزیر ندیم افضل چن کا کہنا ہے کہ میں عمران خان کے خلاف ہواہی نہیں دوں گا، اگر کسی نے مجھے عدالت میں بلاکر یہ کہا کہ گواہی دو تو میں ہرگز ایسا نہیں کروں گا۔

تحریک انصاف کابینہ کا حصہ رہنے والے سابق وزیر ندیم افضل چن نے ایک تقریب سے خطاب کرتے ہوئے کہا کہ مجھے نیب نے 2 نوٹسز بھیجے اور طلب کیا، جس پر میں نیب آفس گیا، وہاں مجھ سے القادر ٹرسٹ کیس کے حوالے سے سوال کئے گئے میں وہ بتادیا جو کابینہ میں ہوا تھا۔

سابق وفاقی وزیر کا کہنا تھا کہ کہا جارہا ہے ندیم افضل چن سابق چیئرمین پی ٹی آئی کے خلاف گواہی دے گا، میں وضاحت کرنا چاہتا ہوں کہ میری تربیت ایسی نہیں ہوئی کہ میں قیدیوں اور مظلوموں پر بات کروں، مجھے کوئی کہے کہ عدالت میں آکر گواہی دے تو میں اس کے لئے ہرگز تیار نہیں ہوں۔

ندیم افضل چن نے مزید کہا کہ میں اس وقت بھی عمران خان کو کہتا تھا کہ شہزاد اکبر ایک فراڈ شخص ہے یہ آپ کو مرائے گا، لیکن آج سابق چیئرمین پی ٹی آئی جیل میں ہیں تو میرا ضمیر گوارہ نہیں کرتا کہ میں کسی قیدی کے خلاف بات کروں۔

pti

Nadeem Afzal Chan

pti chairman

Comments are closed on this story.

تبصرے

تبولا

Taboola ads will show in this div