Aaj News

پیر, اپريل 22, 2024  
13 Shawwal 1445  

جماعت اسلامی کا سندھ میں حکومت بنانے کا دعویٰ

چاہتے ہیں ووٹ ڈالنے جائیں تو جماعت اسلامی کے علاوہ کوئی آپشن نہ ہو، امیر جماعت اسلامی کراچی
شائع 22 دسمبر 2023 12:47pm
فوٹو — فائل
فوٹو — فائل

امیر جماعت اسلامی کراچی حافظ نعیم الرحمان نے سندھ میں حکومت بنانے کا دعویٰ کردیا۔

ایک بیان میں حافظ نعیم الرحمان نے کہا کہ دیہی علاقوں سے بھی بڑی تعداد میں امیدوار کھڑے کیے ہیں، جماعت اسلامی کےعلاوہ کسی کو ووٹ دیا وہ گھوم کر وڈیروں کے پاس جائے گا۔

انہوں نے کہا کہ آج ہم نے این اے 250 کے لیے کاغذات نامزدگی جمع کروائے ہیں، کوشش ہے قومی اسمبلی کے 22 اور صوبائی کی 47 نشستوں پر آج ہی کاغذات جمع کرادیں۔

نعیم الرحمان کا کہنا تھا کہ ہم چاہتے ہیں ووٹ ڈالنے جائیں تو جماعت اسلامی کے علاوہ کوئی آپشن نہ ہو، 15 سال میں پیپلزپارٹی نے صوبے کو برباد کیا، تمام شعبوں کا برا حال ہے، لہٰذا جماعت اسلامی کا مینڈیٹ ہونا ضروری ہے۔

یہ بھی پڑھیں:

حافظ نعیم الرحمان کا میئر کراچی کیخلاف تحریک عدم اعتماد لانے کا اعلان

الیکشن سے پہلے ہی نتائج پر تبادلہ خیال ہو رہا ہے، حافظ نعیم

امیر جماعت اسلامی کراچی نے کہا کہ ایک دفعہ سندھ حکومت میں جماعت اسلامی آجائے تو حالات بہت بہتر ہوں گے، کراچی کے عوام کو جلدی خوش خبری ملے گی برے دن ختم ہونے والے ہیں۔

karachi

Hafiz Naeem ur Rehman

Jamat e Islami

Comments are closed on this story.

تبصرے

تبولا

Taboola ads will show in this div