Aaj News

بدھ, اپريل 24, 2024  
15 Shawwal 1445  

عمران خان، شیخ رشید کیخلاف واثق قیوم، صداقت عباسی اور عمر تنویر بٹ وعدہ معاف گواہ بن گئے

9 مئی کی پلاننگ عمران خان اور شیخ رشید کے ایماء پر کی گئی، وعدہ معاف گواہوں کا بیان
اپ ڈیٹ 03 فروری 2024 12:35pm

پاکستان تحریک انصاف کے سابق چیئرمین عمران خان اور عوامی مسلم لیگ کے سربراہ شیخ رشید کے خلاف 9 مئی کے مقدمات میں سابق اسپیکر پنجاب اسمبلی واثق قیوم، سابق ممبر قومی اسمبلی صداقت عباسی اور عمر تنویر بٹ وعدہ معاف گواہ بن گئے، 154 کے بیان میں کہا کہ 9 مئی کی پلاننگ عمران خان اور شیخ رشید کے ایماء پر کی گئی۔

راولپنڈی کی انسداد دہشت گردی عدالت میں سابق چیئرمین پی ٹی آئی عمران خان اور شیخ رشید کے خلاف 9 مئی کے مقدمات پرسماعت ہوئی۔

پولیس ذرائع کے مطابق عمران خان اور شیخ رشید کے خلاف سابق اسپیکر پنجاب اسمبلی واثق قیوم، سابق ممبرقومی اسمبلی صداقت عباسی اور عمر تنویر بٹ وعدہ معاف گواہ بن گئے، تینوں رہنماؤں نے عدالت میں 154 کا بیان ریکارڈ کرادیا۔

بیان میں کہا گیا کہ 9 مئی کی پلاننگ عمران خان، شیخ رشید، راجہ بشارت، شیخ راشد شفیق، اعجازخان جازی اور راشد حفیظ کے ایماء پر کی گئی۔

دوسری جانب راولپنڈی کے حلقے این اے 53 میں پی ٹی آئی کے حمایت یافتہ آزاد امیدوار کرنل (ر) اجمل صابر بھی شیخ رشید کے خلاف وعدہ معاف گواہ بن گئے۔

اجمل صابر نے پولیس کو بیان دیا کہ شیخ رشید نے 6 مئی کو لال حویلی میں اجلاس بلایا تھا جہاں 9 مئی کی پلاننگ کی گئی تھی۔

انسداد دہشت گردی عدالت راولپنڈی نے سابق وزیراعظم عمران خان، شیخ رشید اور شیخ راشد شفیق کو 6 فروری کو عدالت طلب کرلیا۔

rawalpindi

pti

Sheikh Rasheed

ATC

imran khan

MAY 9 RIOTS

9 May Cases

Comments are closed on this story.

تبصرے

تبولا

Taboola ads will show in this div