Aaj News

ہفتہ, اپريل 20, 2024  
11 Shawwal 1445  

بابا وانگا کی 2024 کے حوالے سے دو اہم پیشگوئیاں سچ ثابت ہوگئیں

بابا وانگا نے 2024 کے حوالے سے مزید کیا پیشگوئیاں کیں؟
شائع 18 فروری 2024 04:37pm

آنجہانی نابینا بلغاریائی خاتونا بابا وانگا کو نجومیوں کی دنیا کی نوسٹراڈیمس کہا جاتا ہے۔ جنہوں نے امریکہ میں ہوئے 9/11 حملوں، چرنوبل کی تباہی اور شہزادی ڈیانا کی موت جیسے اہم عالمی واقعات کی پیش گوئی کی تھی جو سچ ثابت ہوئی۔

انہوں نے 2024 کے حوالے سے بھی کئی پیشگوئیاں کی ہیں جن میں سے دو سچ ثابت ہوتی نظر آرہی ہیں۔

کینسر ویکسین، شعبہ طب میں چھلانگ

ایک حیرت انگیز پیشگوئی جو جلد ہی پوری ہو سکتی ہے وہ ہے روس کی طرف سے کینسر کی ویکسین تیار کرنا، جیسا کہ صدر ولادیمیر پوتن نے بھی ذکر کیا ہے۔

پوتن نے ماسکو میں مستقبل کی ٹیکنالوجیز کے حلواے سے ایک فورم میں کہا کہ ’ہم کینسر کی نام نہاد ویکسین اور نیکسٹ جنریشن مدافعتی ادویات بنانے کے بہت قریب پہنچ چکے ہیں… مجھے امید ہے کہ جلد ہی انہیں علاج کے انفروادی طریقوں کے طور پر مؤثر طریقے سے استعمال کیا جائے گا‘۔

جاپان اور برطانیہ میں معاشی بحران

بابا وانگا نے 2024 میں بڑھتے ہوئے معاشی بحران کی بھی پیشگوئی کی ہے جو سچ ثابت ہوتی دکجھائی دے رہی ہے اور خاص طور پر جاپان اور برطانیہ جیسے ممالک کو متاثر کر رہی ہے۔

بڑھتے ہوئے جغرافیائی سیاسی تناؤ اور قرضوں کی بڑھتی ہوئی سطح اقتصادی سکڑاؤ کا باعث بنی ہے، جس سے یہ قومیں کافی دباؤ میں ہیں۔ ان تنزلیوں کے اثرات پوری عالمی معیشت پر ظاہر ہوتے ہیں۔

برطانیہ میں، اس کے اثرات واضح ہیں کیونکہ ملک بلند افراط زر اور لگژری لائف اسٹائل کے مسائل کی وجہ سے پیدا ہونے والی کساد بازاری کے نتیجے میں گرتا جا رہا ہے۔ دریں اثنا، جاپان کا عالمی درجہ بندی میں چوتھی پوزیشن پر آنا اس کے اقتصادی چیلنجوں کی شدت کو واضح کرتا ہے۔

رواں سال کی سب سے بڑی درست پیش گوئی، کتاب کی فروخت آسمان پر

بابا وانگا کی دوسری پیشگوئیاں: ایک ہنگامہ خیز مستقبل کی جھلک

ان پیشگوئیوں کے علاوہ، 2024 کے لیے بابا وانگا نے کئی پیشگوئیاں کی ہیں جن میں انہوں نے یورپ میں دہشت گردانہ سرگرمیوں میں اضافے کے بارے میں خبردار کیا اور ایک ”بڑے ملک“ کے حیاتیاتی ہتھیاروں کی جانچ یا حملوں میں ملوث ہونے کا امکان طاہر کیا۔

انہوں نے موسمیاتی تبدیلیوں سے بھرے ایک سال کی پیشگوئی بھی کی جو دنیا کو اپنی لپیٹ میں لے لے گی۔

اس کے علاوہ اعلیٰ درجے کے ہیکرز کی جانب سے اہم انفراسٹرکچر جیسے پاور گرڈز اور واٹر ٹریٹمنٹ پلانٹس کو نشانہ بنائے جانے کی توقع ہے، جس سے قومی سلامتی کو شدید خطرہ لاحق ہوسکتا ہے۔

ولادیمیر پوتن کے قتل کی کوشش بھی ان پیشگوئیوں میں شامل ہے۔

اس کے علاوہ انہوں نے کوانٹم کمپیوٹنگ میں ایک اہم پیش رفت کی توقع ظاہر کی ہے جو تکنیکی منظرنامے کو نئی شکل دے سکتی ہے۔

بابا وانگا کی طرح، 16ویں صدی کے فرانسیسی نجومی نوسٹراڈیمس نے اپنی کتاب لیس پروفیسیس میں 2024 میں قدرتی آفات کی پیش گوئی کی تھی۔

ان میں سے ایک پیشگوئی اس وقت پوری ہوئی جب نئے سال کے دن 7.6 شدت کے تباہ کن زلزلے نے جاپانی علاقوں اشیکاوا اور نوٹو میں تباہی مچادی، جس سے متعدد افراد ہلاک اور ہزاروں خاندان بے گھر ہوگئے تھے۔

Baba Vanga

Nostradamus

Predictions about 2024

Comments are closed on this story.

تبصرے

تبولا

Taboola ads will show in this div