پی ٹی آئی نے سنی اتحاد کونسل سے اتحاد کرلیا، جس کے بعد جمشید دستی نے سنی اتحاد کونسل میں شمولیت پر ویڈیو بیان جاری کردیا۔

ویڈیو بیان میں جمشید دستی نے کہا کہ بانی پی ٹی آئی کے کہنے پر سنی اتحاد میں شمولیت اختیار کی اور بیان حلفی جمع کروا دیا۔

انھوں نے بتایا کہ پی پی 270 سے زاہد بھٹہ نے دباؤ کے باوجود شمولیت اختیار کی۔

ان کا کہنا تھا کہ بانی پی ٹی آئی جلد رہا ہو کر وزیراعظم کاعہدہ سنبھالیں گے۔ این اے 176 اور 175 کے عوام بانی پی ٹی آئی کے ساتھ ہیں۔

جمشید دستی کا کہنا تھا کہ کمشنر ملتان اور سابق کمشنر راولپنڈی کا استعفیٰ قوم کیلئے بڑا پیغام ہے۔

انھوں نے مطالبہ کیا کہ کمشنر ڈی جی خان اور ڈی سی مظفرگڑھ بھی استعفیٰ دیں۔