Aaj News

بدھ, اپريل 24, 2024  
16 Shawwal 1445  

کمشنر راولپنڈی کے الزامات، تحقیقاتی کمیٹی رپورٹ الیکشن کمیشن کو پیش نہ کرسکی

کمیٹی کو الیکشن کمیشن کی جانب سے 3 دن کا وقت دیا گیا تھا
شائع 22 فروری 2024 08:25am

سابق کمشنر راولپنڈی لیاقت چٹھہ کے مبینہ دھاندلی کے الزامات پر الیکشن کمیشن کی طرف سے تحقیقات کے لیے بنائی گئی کمیٹی مقررہ وقت 3 دن کے اندر رپورٹ الیکشن کمیشن کو پیش نہ کرسکی۔

ذرائع کے مطابق الیکشن کمیشن کی تحقیقاتی کمیٹی نے سابق کمشنر راولپنڈی لیاقت چٹھہ کے مبینہ دھاندلی کے الزامات پر راولپنڈی ڈویژن کے تمام 6 ڈی آر اوز، قومی اسمبلی کے 13 اور صوبائی اسمبلی کے 26 ریٹرننگ کے بیانات قلم بند کیے ہیں۔

سابق کمشنر راولپنڈی کی پریس کانفرنس کے ٹرانسکرپٹ کو بھی تحقیقاتی رپورٹ کا حصہ بنایا گیا ہے۔

راولپنڈی ڈویژن کے تمام ڈی آر اوز اور آر اوز نے سابق کمشنرکے دھاندلی کے الزامات کو یکسر مسترد کر دیا۔

ذرائع کے مطابق کمیٹی کو الیکشن کمیشن کی جانب سے 3 دن کا وقت دیا گیا تھا اور آج رپورٹ الیکشن کمیشن کو پیش کرنا تھی جو پیش نہ کی جاسکی۔

کمیٹی کل تک اپنی سفارشات مرتب کر لے گی، راولپنڈی ڈویژن کے تمام ڈی آر اوز اور متعلقہ آراوزکے بیانات بھی رپورٹ کا حصہ ہیں۔

مزید پڑھیں

انتخابی دھاندلی پر کمشنر راولپنڈی کے الزامات: کمیٹی نے تحقیقات مکمل کرلیں

راولپنڈی ڈویژن کے کمشنر اور ڈپٹی کمشنرز کی پریس کانفرنس، چٹھہ کے الزامات مسترد

سابق کمشنر راولپنڈی پر حساس اداروں کی رپورٹ منظر عام پر آگئی

اسلام آباد

liaquat ali Chatta

commissioner Rawalpindi

Rawalpindi Commissioner Exposé

Liaquat Ali Chattha

Liaquat Ali Chattha Transfer

Comments are closed on this story.

تبصرے

تبولا

Taboola ads will show in this div