وزارت عظمٰی کے نامزد امیدوار شہباز شریف کی جانب سے اسلام آباد میں عشائیہ دیا گیا جس میں چیئرمین پیپلزپارٹی بلاول بھٹو زرداری نے چارٹر برائے معیشت، قومی اتفاق رائے اور دیگر تجاویز پیش کیں۔

سابق صدر آصف علی زرداری اور چیئرمین پی پی پی بلاول بھٹو زرداری نے شہباز شریف کی جانب سے دیے گئے عشائیے میں شرکت کی۔

اس موقع پر میاں شہباز شریف نے مسلم لیگ ن کی جانب سے ایاز صادق کا نام اسپیکرشپ کے امیدوار کے طور پر نامزد کیا۔

چیئرمین پیپلزپارٹی بلاول بھٹو زرداری نے اپنی پارٹی کی جانب سے غلام مصطفی شاہ کا نام ڈپٹی اسپیکر شپ کے امیدوار کے طور پر نامزد کیا۔

بلاول بھٹو زرداری نے متوقع نئی حکومت کے سامنے چارٹر برائے معیشت، قومی اتفاق رائے، انتخابی اور عدالتی اصلاحات پر عمل درآمد کرنے کی تجاویز پیش کردیں۔