Aaj News

منگل, مئ 28, 2024  
19 Dhul-Qadah 1445  

سعودی عرب کے معاون وزیر دفاع کی آرمی چیف سے ملاقات

جی ایچ کیو میں ہونے والی ملاقات میں عسکری تربیت کے شعبہ میں تعاون پر بات چیت
شائع 19 اپريل 2024 10:37am
فوٹو۔۔۔ آئی ایس پی آر
فوٹو۔۔۔ آئی ایس پی آر

پاک فوج کے شعبہ تعلقات عامہ (آئی ایس پی آر) کے مطابق سعودی عرب کے معاون وزیر دفاع میجر جنرل (انجینئر) طلال بن عبداللہ نے جی ایچ کیو میں آرمی چیف جنرل سید عاصم منیر سے ملاقات کی ہے۔

ملاقات کے دوران باہمی دلچسپی کے امور اور دفاعی پیداوار اور فوجی تربیت سمیت دوطرفہ دفاعی تعاون کو مزید فروغ دینے کے اقدامات پر تبادلہ خیال کیا گیا۔

معزز مہمان نے دہشت گردی کے خلاف جنگ میں پاک فوج کی کامیابیوں اور قربانیوں کو سراہا، علاقائی امن و سلامتی کے لئے پاکستان آرمی کی گراں قدر خدمات کی بھی سعودی جنرل نے تعریف کی۔

آرمی چیف نے سعودی زمینی افواج کی صلاحیت میں اضافہ کے لئے پاکستان آرمی کی مسلسل حمایت کا اعادہ کیا۔

انہوں نے دہشت گردی کے خلاف جنگ میں پاک فوج کی کامیابیوں اور قربانیوں اور علاقائی امن و استحکام کے لیے پاک فوج کی گراں قدر خدمات کو سراہا۔

جی ایچ کیو میں پاک سعودی پانچویں دفاعی تعاون اجلاس میں بھی معزز مہمان نے شرکت کی۔

فورم نے عالمی اور علاقائی سلامتی کو درپیش چیلنجز اور افواج پر ان کے اثرات پر تبادلہ خیال کیا۔

دونوں جانب سے جدید ٹیکنالوجی میں تیزی سے ترقی اور دفاعی صنعتی تعاون کی ضرورت پر زور دیا گیا۔

اجلاس میں زمینی، فضائی اور سمندری شعبوں میں دفاعی تعاون اور جدید ٹیکنالوجی کے استعمال کو بڑھانے پر اتفاق کیا گیا۔

مشترکہ مقاصد کے حصول کے لیے فورم کی طرف سے ٹھوس تجاویز پر غور کیا گیا۔

Saudia Arabia

Army Chief General Asim Munir

Saudi investment in Pakistan

Saudi delegation