Aaj News

پیر, جولائ 15, 2024  
08 Muharram 1446  

بھارتی گلوکارہ سنیدھی چوہان پر لائیوکنسرٹ کے دوران بوتل پھینک دی گئی، ویڈیو وائرل

گلوکارہ پہلے گھبراگئی، پھر کنسرٹ جاری رکھا
شائع 06 مئ 2024 12:36pm
بی بی سی
بی بی سی

مشہور بھارتی گلوکارہ سنیدھی چوہان کی ایک ویڈیو سوشل میڈیا پر وائرل ہورہی ہے، جس میں ایک لائیو کنسرٹ کے دوران سامعین میں سے کسی نے ان پربوتل پھینک دی۔

بھارتی میڈیا کے مطابق ریاست اترا کھنڈ کے دارالحکومت دہرادون کی ایک یونیورسٹی میں منعقد کیے گئے ایک میوزیکل کنسرٹ میں گلوکارہ نہایت جوش سے پرفارم کر رہی تھیں کہ اچانک سامعین میں سے کسی نے ان کے اوپر پانی کی بوتل پھینک دی۔

اس موقع پر بالی ووڈ سنگر پہلے تو گھبرا گئیں، لیکن فورا ہی اپنی گبراہٹ پر قابو پاتے ہوئے کہا، یہ کیا ہورہا ہے کیا آپ کنسرٹ روکنا چاہتے ہیں۔جس پر کنسرٹ میں موجود مداحوں نے ایک آوازا میں کہا ”نہیں“۔

مداحوں کا جواب سننے کے بعد انہوں نے مسکراتے ہوئے اپنی پرفارمنس جاری رکھی ۔

سنیدھی چوہان کے اس رویے کو سوشل میڈیا صارفین بہت پسند کر رہے ہیں۔ جن کے مطابق وہ سامعین کی اس حرکت پر شو چھوڑ کر جا سکتی تھیں، مگر انہوں نے ایسا نہیں کیا۔ واقعی وہ ایک لیجنڈ ہیں۔

Celebrities

entertainment

lifestyle

BOLLYWOOD STAR

show bizz