ڈیرہ اسماعیل خان میں مخالف نے پیشی پر آئے شخص پر فائرنگ کرکے قتل کردیا۔

پولیس کے مطابق جوڈیشل کمپلیکس ڈیرہ اسماعیل خان کے باہر محمد یعقوب نامی شخص نے پیشی پر آئے شوکت نامی شخص پر فائرنگ کر دی۔

پولیس کے مطابق فائرنگ سے شوکت شدید زخمی ہو گیا جسے فوری طور پر ٹراما سینٹر منتقل کیا گیا تاہم وہ زخموں کی تاب نہ لاتے ہوئے جاں بحق ہو گیا۔

اس حوالے سے ڈی ایس پی سٹی حافظ محمد عدنان نے بتایا کہ واردات کے بعد ملزم کو گرفتار کر کے آلہ قتل بھی برآمد کر لیا۔