Aaj News

پیر, جولائ 22, 2024  
15 Muharram 1446  

اورہان اوترامانی نے اپنی فی تصویر قیمت بتا دی

فی تصویر 20 لاکھ روپے اور 25 لاکھ روپے وصول کرتے ہیں ۔
اپ ڈیٹ 11 مئ 2024 04:17pm

بالی ووڈ اورہان اوترامانی عرف اوری نے مختصر مدت میں شہرت کی بلندیوں کو چھو لیا ہے۔

حال ہی میں ، اوری بھارتی سنگھ اور ہرش لامباچیا کے پوڈ کاسٹ میں نظر آئے ، اور مشہور کامیڈین نے ان کا مناسب تعارف پیش کیا۔

کترنیہ کیف حمل چھپا رہی ہیں؟ بھارتی میڈیا پریشان

ان کا کہنا تھا کہ انہوں نے نہ تو کوئی فلم کی ہے اور نہ ہی کوئی گانا، لیکن پھر بھی انہوں نے ایک سال کے اندر شہرت حاصل کی۔

اپنی زندگی کے بارے میں مزاحیہ تفصیلات شیئر کرتے ہوئے ، اوری نے اپنی فی فوٹو فیس چارج کا بھی حیران کن انکشاف کیا۔

اوری نے انکشاف کیا کہ وہ فی تصویر 20 لاکھ روپے وصول کرتے ہیں۔

پوڈ کاسٹ کے دوران، بھارتی نے اوری سے پوچھا، ”مہنگے ہو؟“ جس پر اوری نے جواب دیا، ”میں سستا دکھتا ہے کیا؟“ جب ہرش نے پوچھا کہ وہ ایک تصویر کے لیے کیا معاوضہ لیتے ہیں، تو اوری نے انکشاف کیا کہ وہ 20 لاکھ روپے لیتے ہیں، جس سے ہر کوئی حیران رہ جاتا ہے۔ اوری نے بتایا کہ اگر وہ کسی مداح کو تصویر دیتے ہیں تو وہ کوئی فیس نہیں لیتے۔ اگر کوئی شخص ان کے پاس آتا ہے اور ان سے تصویر مانگتاہے، تو وہ راضی ہو جاتے ہیں اور 20 لاکھ روپے کا مطالبہ کرتےہیں۔

مزید برآں، اوری نے انکشاف کیا کہ وہ کسی شو یا تقریب کے دوران اپنی موجودگی کے لئے 25 لاکھ روپے وصول کرتے ہیں۔

واضح ہو کہ بگ باس 17 سے اورہان اوترامانی کی ایک ویڈیوبھی سوشل میڈیا پر گردش کررہی ہے۔

اس کلپ میں وہ سلمان خان سے کہتے ہیں کہ، وہ پارٹیز میں جانے کا کوئی معاوضہ نہیں لیتے ہیں، اس کی بجائے وہ شرکت کرنے والوں کے ساتھ پارٹی کی تصاویر پوسٹ کرنے کے لئے، بیس سے تیس لاکھ وصول کرتے ہیں۔

lifestyle

BOLLYWOOD STAR

show bizz