Aaj News

ہفتہ, فروری 15, 2025  
16 Shaban 1446  

190 ملین پاؤنڈ کیس وہ گڑھا ہے جو بانی پی ٹی آئی نے کسی اور کیلئے کھودا اور خود گرگئے، مریم اورنگزیب

کہتے ہیں ڈٹ کر کھڑا ہے کپتان لیکن اصل میں کرپشن کرکے کھڑا ہے کپتان، مریم اورنگزیب
شائع 18 جنوری 2025 02:28pm

پنجاب کی سینئر وزیر مریم اورنگزیب نے کہا ہے کہ ن لیگ کے خلاف ایک روپے کی کرپشن ثابت نہیں ہوئی، بانی پی ٹی آئی مکافات عمل کا شکار ہوئے، دوسروں کیلئے گڑھا کھودنے والا خود اس میں گرگیا۔

پنجاب کی سینئر وزیر مریم اورنگزیب نے ہفتے کو نیوز کانفرنس کرتے ہوئے کہا کہ نواز شریف نے اربوں اور کھربوں کے منصوبے لگائے، نواز شریف کو کرپشن کیس پر وزارت عظمیٰ سے نہیں ہٹایا گیا تھا، بیٹے سے تنخواہ لینے پر نوازشریف کو کرسی سے ہٹایا گیا۔

کل کے فیصلے نے عمران خان کی صداقت و امانت کے پرخچے اڑا دیے، عظمیٰ بخاری

انہوں نے کہا کہ پاکستان کے عوام 190 ملین پاؤنڈ کا فیصلہ جان چکے ہیں، بانی پی ٹی آئی نے این سی اے کو خط لکھا تھا، اس خط پر این سی اے نے تحقیقات شروع کی، این سی اے نے حسین، حسن، نواز شریف اور شہباز شریف کو کلین چٹ دی، یہ کیس وہ گڑھا ہے جو بانی پی ٹی آئی نے کسی اور کیلئے کھودا اور خود گرگئے۔

ان کا کہنا تھا کہ لیگی قیادت کو جیل میں ڈال کر کھنگالنا شروع کردیا تھا، 40، 40 سال پرانے کیسز نکالنا شروع کردیے تھے، اگر پرائیویٹ پیسہ تھا تو بند لفافہ کیوں لہرایا گیا؟ اگر یونیورسٹی بنانی تھی تو وزیراعظم، گورنرہاؤس میں بناتے، یہ کوئی ذاتی پیسہ نہیں تھا بانی پی ٹی آئی کی ڈکیتی تھی، لوہے پر سونے کا پانی چڑھا دو تو وہ سونا نہیں بن جاتا۔

جج صاحب سے بہتر ہمیں سزا کا پتا تھا، فیصلے لکھے ہوئے آتے ہیں اور ان کو سنا دیا جاتا ہے، علیمہ خان

مریم اورنگزیب نے مزید کہا کہ کہتے ہیں ڈٹ کر کھڑا ہے کپتان لیکن اصل میں کرپشن کرکے کھڑا ہے کپتان، 190 ملین پاؤنڈ اوپن اینڈ شٹ کیس ہے انہیں چاہیے اپیل میں نہ جائیں، جب دوسروں کو چور ڈاکو کہہ رہے تھے تب 190 ملین پاؤنڈ پر ڈاکہ ڈال رہے تھے، یہ پیسہ پاکستان کے عوام کا تھا اور قومی خزانے میں آنا تھا۔

Marriyum Aurangzeb

190 Million Pound Reference Verdict