Aaj News

منگل, فروری 11, 2025  
12 Shaban 1446  

سعودی عرب پاکستان کے ریکوڈک منصوبے میں 20 فیصد حصص خریدنے کیلئے تیار

ریکوڈک منصوبہ پاکستان کی معیشت کو بدل دے گا، سی ای او بیرک گولڈ مارک برسٹو
شائع 22 جنوری 2025 02:34pm

سعودی عرب پاکستان کے ریکوڈک منصوبے میں 20 فیصد حصص خریدنے کے لیے تیار ہوگیا۔

برطانوی اخبار فنانشل ٹائمز نے دعویٰ کیا ہے کہ سعودی عرب 9 ارب ڈالرکے ذخائر میں 10 سے 20 فیصد شیئرخریدے گا۔

فنانشل ٹائمز کی رپورٹ کے مطابق سعودی عرب پاکستان کے ریکوڈک منصوبے میں 20 فیصد حصص خریدنے کیلئے تیار ہے جس کے بعد ریکوڈک دنیا کی سب سے بڑی تانبے کی کانوں میں سے ایک کہلائے گی۔

برطانوی اخبار میں کہا گیا کہ سعودی عرب کا مائننگ فنڈ حکومت پاکستان سے ایکویٹی حصص خریدے گا۔

رپورٹ کے مطابق منارا منرلز 25 کھرب 9 ارب روپے (9 بلین ڈالر) کے کمپلیکس کا 10 سے 20 فیصد حصہ خریدنے کا خواہاں ہے، جسے کینیڈا کے بیرک گولڈ نامی کمپنی کی جانب سے تیار کیا جا رہا ہے۔ مائننگ فنڈ وفاقی حکومت سے مساوی حصص خریدے گا، جو کہ منصوبے کی 25 فیصد یعنی 500 ملین سے ایک ارب ڈالر تک کی مالک ہے۔

سعودی عرب کو ریکوڈک کے 15 فیصد حصص فروخت کرنے کی منظوری

سی ای او بیرک گولڈ مارک برسٹو کے مطابق ریکوڈک منصوبہ پاکستان کی معیشت کو بدل دے گا، سعودی عرب کی طرف سے سرمایہ کاری ریکوڈک کے لیے اچھی ثابت ہو گی۔

فنانشل ٹائمز میں مزید کہا گیا کہ سرمایہ کاری سے سعودی عرب کی دھات کی مانگ پورے کرنے میں مدد ملے گی، سعودی عرب پاکستان کے سب سے بڑے بیرونی قرض دہندگان میں سے ایک ہے۔

سعودی عرب نے ریکوڈک میں سرمایہ کاری کا فیصلہ کرلیا

برطانوی اخبار میں مزید کہا گیا کہ سعودی عرب نے پاکستان کو قرض رول اوور، زرمبادلہ ذخائر اور تیل سہولیات دیں۔

Reko Diq

project