Aaj News

بدھ, فروری 12, 2025  
13 Shaban 1446  

سونے کی قیمت میں بھاری اضافہ، تاریخ کی بلند ترین سطح پر پہنچ گئی

سونے کی قیمتیں بُلندی پر پہنچنے کا سلسلہ آج بھی جاری رہا
شائع 04 فروری 2025 08:19pm

عالمی اور مقامی مارکیٹوں میں سونے کی قیمتوں میں مزید اضافہ دیکھنے کو ملا ہے، ملک میں فی تولہ سونے کی قیمت 1900 روپے اضافے کے بعد تاریخ کی بلند ترین سطح پر پہنچ گئی۔

بین الاقوامی سطح پر سونے کے بڑھتے ہوئے خریداری معاہدوں کے نتیجے میں سونے کی عالمی قیمت تاریخ کی بلند ترین سطح پر پہنچنے کے اثرات مقامی صرافہ مارکیٹوں پر بھی بدستور مرتب ہورہے ہیں۔

آل پاکستان جیمز اینڈ جیولرز ایسوسی ایشن کے مطابق ملک بھر میں سونے کی قیمتیں بُلندی پر پہنچنے کا سلسلہ آج بھی جاری رہا، جس کے بعد 24 قیراط کا حامل خالص فی تولہ سونے کی قیمت میں 1900 روپےاضافے سے 2 لاکھ 94 ہزار 300 روپے کی بلند ترین سطح پر پہنچ گئی۔

اسی طرح 24 قیراط سونے کے 10 گرام کی قیمت بھی ایک ہزار 629 روپے بڑھ کر 2 لاکھ 52 ہزار 314 پر تک پہنچ گئی جبکہ 22 قیراط 10 گرام سونا 2 لاکھ 29 ہزار 802 روپے میں فروخت ہوا۔

ادھر فی تولہ چاندی کی قیمت 49 روپے کے اضافے سے 3314 روپے اور 10 گرام چاندی کی قیمت بھی 42 روپے کے اضافے سے 2841 روپے کی سطح پر آگئی۔

بین الاقوامی مارکیٹ میں سونے کی فی اونس قیمت 16 ڈالر اضافے سے 2 ہزار 815 ڈالر رہی۔

واضح رہے کہ 31 جنوری کو سونے کے نرخ 2 لاکھ 91 ہزار 800 روپے کی نئی بلند ترین سطح پر ریکارڈ کیے گئے تھے اور یہ سلسلہ یکم فروری (بروز ہفتہ) کے بعد گزشتہ روز (3 فروری) کو بھی جاری رہا تھا جب فی تولہ دام 2 لاکھ 92 ہزار 400 کی بُلند سطح پر پہنچے تھے۔

سونا

Gold prices

gold market

Gold rates Pakistan

Gold Rates 2024

PURE GOLD

GOLD PRICES GO UP

Gold Rates 2025