امریکا کے جنوب مشرقی ریاستوں میں طوفان کے نتیجے میں کم از کم 34 افراد کی ہلاکت کی اطلاعات ہیں۔

سب سے زیادہ، 12، اموات ریاست میسوری میں ہوئی ہیں۔ میسوری کی ایمرجنسی مینجمنٹ ایجنسی کا کہنا ہے کہ ابتدائی رپورٹس کے مطابق اب تک 25 کاؤنٹیوں سے 19 بگولے ٹکرا چکے ہیں۔

میسوری میں ہلاک ہونے والے 12 افراد میں سے ایک شخص کا گھر طوفان کے نتیجے میں مکمل ملبے کے ڈھیر میں تبدیل ہو گیا تھا۔

ریاست کنساس میں اُس وقت آٹھ افراد ہلاک ہوئے جب مٹی کے طوفان کی وجہ سے 55 سے زائد گاڑیاں حادثے کا شکار ہو گئیں۔

آسٹریلیا میں طوفان نے قیامت ڈھادی، شہر جھیل میں تبدیل، بجلی بند

کراچی میں آج اور کل موسم کیسا رہے گا؟ محکمہ موسمیات نے خبردار کردیا

بجلی کی ترسیل کے نظام پر نظر رکھنے والی ویب سائٹ پاور آؤٹیج کے مطابق، اتوار کے روز تک مشی گن، مسوری اور الینوائے سمیت سات ریاستوں میں ڈھائی لاکھ سے زیادہ گھروں کو بجلی کی فراہمی منقطع تھی۔

مشرقی لوزیانا، مغربی جارجیا، وسطی ٹینیسی اور مغربی فلوریڈا پین ہینڈل میں مزید طوفانی بگولوں کی ایڈوائزری جاری کی گئی ہے۔ مسیسیپی بھر میں طوفانی بگولوں کے بعد چھ افراد کی ہلاکت کی اطلاعات ہیں۔

امریکی ریاستوں میں ہوا کے بگولےنے تباہی مچادی،4افراد ہلاک

وسطی مسیسیپی، مشرقی لوزیانا، مغربی ٹینیسی کے ساتھ ساتھ الاباما اور آرکنساس کے کچھ حصوں میں سیلاب کی وارننگ بھی جاری کی گئی ہیں۔

موسمیاتی ماہرین نے امریکا کی 17 ریاستوں کو شدید طوفان سے خبردار کردیا۔