سپریم کورٹ میں جوڈیشل کمیشن کے اجلاس میں جسٹس اعجازسواتی کی بلوچستان ہائیکورٹ کے چیف جسٹس کے طور پر تقرری کی منظوری دے دی گئی ۔

تفصیلات کے مطابق سپریم کورٹ میں جوڈیشل کمیشن کا اہم اجلاس منعقد ہوا، جس کی صدارت چیف جسٹس آف پاکستان جسٹس یحییٰ آفریدی نے کی۔اجلاس میں بلوچستان ہائیکورٹ کے چیف جسٹس کے عہدے کے لیے مختلف ناموں پر غور کیا گیا۔ تفصیلی مشاورت کے بعد جوڈیشل کمیشن نے جسٹس اعجاز کی بلوچستان ہائیکورٹ کے چیف جسٹس کے طور پر تقرری کی منظوری دے دی۔

ذرائع کے مطابق اجلاس میں جوڈیشل کمیشن کے دیگر معزز اراکین نے بھی تقرری کے لیے جسٹس اعجاز کی اہلیت، تجربے اور عدالتی کارکردگی کو سراہا، جس کے بعد ان کے نام پر اتفاق رائے سے منظوری دی گئی۔

جوڈیشل کمیشن کے 19 مئی کو شیڈول اجلاس کا ایجنڈا تبدیل

جلد ہی جسٹس اعجاز کی بطور چیف جسٹس بلوچستان ہائیکورٹ تقرری کا نوٹیفکیشن جاری کیے جانے کا امکان ہے۔