اور کزئی میں غلجو تھانہ کی چیک پوسٹ کڑپہ پر دہشت گردوں کے حملے میں سب انسپکٹر عنایت خان شہید ہو گئے ہیں۔ پولیس کا کہنا ہے کہ شدید فائرنگ کے تبادلے کے بعد حملہ اور فرار ہو گئے، پولیس نے پہاڑی علاقہ گھیرے میں لیکر سرچ آپریشن شروع کردیا ،

ضلع اورکزئی میں دہشت گردوں نے غلجو تھانہ کے تحت آنے والی چیک پوسٹ کڑپہ پر حملہ کر دیا، جس کے نتیجے میں سب انسپکٹر عنایت خان جامِ شہادت نوش کر گئے۔

پولیس حکام کے مطابق حملہ گزشتہ رات کیا گیا جس کے دوران دونوں جانب سے شدید فائرنگ کا تبادلہ ہوا۔ فائرنگ کے بعد دہشت گرد موقع سے فرار ہونے میں کامیاب ہو گئے۔

واقعے کے فوراً بعد پولیس کی بھاری نفری موقع پر پہنچ گئی اور پہاڑی علاقے کو گھیرے میں لے کر سرچ آپریشن شروع کر دیا گیا ہے۔

پولیس نے کہا ہے کہ علاقے میں سیکیورٹی ہائی الرٹ کر دی گئی ہے اور دہشت گردوں کی تلاش کے لیے مختلف ٹیمیں تشکیل دے دی گئی ہیں۔