بھارتی فلم انڈسٹری کو قائم ہوئے تقریباً100 سال کا عرصہ ہو چکا ہے،اس عرصے میں  کئی بار ایسا ہوا کہ بڑی اور مہنگی  خیال کی جانے والی فلموں اور منجھے ہوئے اداکاروں سے بہترین اداکاری کے ساتھ   غلطیاں بھی ہوئیں  ،تاہم یہ غلطیاں ایسی تھیں جنہیں جاننے کے بعد آپ مسکرائے بغیر نہیں رہ سکتے۔

یہاں بولی وڈ کی چند دلچسپ غلطیاں بیان کی جا رہی ہیں ہمیں یقین ہے آپ انہیں بیحد انجوائے کریں گے۔

'فلم 'ہیروئن

اداکارہ کرینہ کپور کی فلم ہیروئن کی خاص بات یہ ہے کہ  انہوں نے فلم میں دنیا بھر سے تعلق رکھنے  والے مہنگے ترین فیشن ڈیزائنرز کے تیار کردہ 130 سے زاید لباس استعمال کئے ،فلم کی شوٹنگ کے دوران کرینہ کی وارڈ روب دنیا کی مہنگی ترین وراڈ روبز میں شمار کی جاتی تھی۔

'فلم 'دل والے دلہنیا لے جائیں گے

بھارتی فلم انڈسٹری پر پچھلے 25 سالوں سے اپنا راج برقرار رکھنے والی فلم دل والے دلہنیا لے جائیں گے کا یہ سچ جان کر آپ لازمی حیران پریشان رہ جائیں گے کہ اس فلم کیلئے ہدایت کار کی پہلی پسند اداکار سیف علی خان تھے  تاہم سیف  کے انکار کے بعد یہ لازوال کردار شاہ رخ خان کے حصے میں آگیا۔

'اداکار 'انیل کپور

انیل کپور آج بھارتی فلم انڈسٹری کے جانے مانے مشہور اداکار ہیں ،ان کی زندگی کا ایک سچ کہ ممبئی آنے کے بعد ان کے پاس رہنے کی جگہ نہیں تھی اور وہ ا پنی فیملی کے ساتھ فلم اسٹار راج کپور کے گیراج میں رہا کرتے تھے آپ نہیں جانتے ہوں گے۔

'فلم'میرا نام جوکر

بھارتی فلم انڈسٹری کی مہنگی ترین فلم میرا نام جوکر وہ واحد فلم تھی جس میں ایک کی بجائے دو انٹرویل تھے۔

'اداکار'امجد خان

بھارت کی سب سے مشہور فلم شعلے کے ذریعے  ولن کی دنیا میں اپنی ایک الگ پہچان بنانے والے امجد خان اسکرپٹ  رائٹر  جاوید اختر کی پہلی چوائس نہیں تھے ،انہیں لگتا تھا 'گبر' کے کردار کیلئے امجد خان کی آواز بہت باریک ہے وہ اداکار ڈینی کو اس کردار میں لینا چا ہتے تھے لیکن  شاید ان کی قسمت میں یہ نہیں تھا۔

'اداکارہ 'سری دیوی

 سری دیوی کے بارے میں  یہ جان کر آپ کو شدید حیرانی ہوگی کہ  صرف 13 سال کی عمر میں انہوں نے تامل 'فلم موندرو موڈیکو'میں رجنی کانت کی والدہ کا کردار نبھایا تھا۔

'اداکار 'امیتابھ بچن

امیتابھ نہایت ایماندار انسان ہیں اس کا اندازہ آپ اس بات سے لگا سکتے ہیں کہ ابتداء میں وہ سیٹ پر چوکیدار سے بھی پہلے پہنچ جایا کرتے تھے اور اکثر اسٹوڈیو کا دروازہ بھی وہی کھولا کرتے تھے۔

'اداکار 'دھرمیندر

دھرمیندر نے  اپنے کیرئیر کی ابتداء نہایت کم تنخواہ پر کی تھی ۔1960 میں ریلیز ہوئی ان کی فلم 'دل بھی تیرا  ہم بھی تیرے میں' انہیں کام کرنے کے صرف 51 روپے ملے تھے۔

'فلم 'کہو نہ پیار ہے

اداکار ہرتیک روشن کی پہلی فلم  کہو نہ پیار ہے نے 2002 میں 92 ایوارڈز حاصل کر کے گنیز بک آف ورلڈ ریکارڈ میں اپنا نام شامل کروایا تھا۔

بشکریہ:ٹاپ 10 والا ڈاٹ ان