کہتے ہیں شوبز سے تعلق رکھنے والے اداکاروں کی زندگی کھلی کتاب کی طرح ہوتی ہے،وہ جو بھی کرتے ہیں میڈیا اور لوگوں سے چھپ نہیں سکتا۔

لیکن اداکار بھی کمال ہوتے ہیں اپنی زندگی کی چند باتیں اور عادتیں بہت مہارت سے چھپا لیتے ہیں ۔

آج ہم آپ کے پسندیدہ اداکاروں کے وہ چھپے ہوئے راز افشاں کریں گے جس کے متعلق ان کا خیال ہے کہ وہ کسی کو نہیں معلوم۔

٭عائزہ خان پاکستان ڈرامہ انڈسٹری کی معروف اور نہایت خوبصورت اداکارہ ہیں،لیکن عائزہ کے نام سے مشہور ہونے والی اس اداکارہ کا اصل نام کنزہ خان ہے۔

٭جیاخان بولی وڈ کی معروف اداکارہ تھیں جنہوں نے نہایت کم عمری میں خودکشی کرکے اپنی زندگی کا خاتمہ کرلیا،ہم آپ کوان کی زندگی کا ایک راز  بتاتے چلیں کہ جیا پاکستان کی معروف اداکارہ اور ہدایتکارہ  سنگیتاکی سگی بھتیجی ہیں ۔

٭فہد مصطفیٰ اور صنم بلوچ پاکستان شوبز انڈسٹری کا جانا پہچانا نام ہیں ،ان کے درمیان کام کے علاوہ بھی ایک رشتہ ہے جس سے بہت سے لوگ ناواقف ہیں ،دونوں اداکار ایک دوسرے کے  بہت اچھے فیملی فرینڈز ہیں،یہاں تک کہ صنم کو ٹی وی متعارف کروانے کا سہرا بھی فہد کے سر جاتا ہے۔

٭عینی جعفری کا شمار پاکستان کی خوبصورت ترین اداکاراؤں میں ہوتا ہے،لیکن اس خوبصورت اداکارہ کی ایک بہترین رشتے دار بھی اسی شوبز کا حصہ ہیں ،جی ہاں عذرا محی الدین عینی جعفری کی سگی خالہ ہیں۔

٭فیصل قریشی پاکستان کے معروف اداکار ہیں ،وہ لوگ جو ان کے بارے میں ہر بات جاننے کا دعویٰ کرتے ہیں ،ان کیلئے یہ خبر جاننا نہایت ضروری ہے کہ فواد خان کا ڈرامے 'ہمسفر 'میں نبھایا گیا  مشہورکردار 'اشعر'جس نے انہیں شہرت کی بلندیو ں پر  پہنچا دیا پہلے فیصل قریشی کو آفر کیا گیا تھا ،لیکن کسی وجوہ کی بناء پر وہ یہ کردار ادا نہ کرسکے اور فواد خان کے حصے میں یہ کردار آگیا۔

بشکریہ:اسٹائل ڈاٹ پی کے