اڑی حملے کے بعد پاک بھارت تعلقات شدید  کشیدگی کا شکار ہوئے اور پاکستانی فنکاروں پربھارت کی مہاراشترا ناونرمان سینا کی طرف سے بھارتی فلموں میں کام کرنے پر پابندی عائد کر نے کا مطالبہ کیا گیا ۔

گزشتہ دنوں معروف بولی وڈ ہدایتکاراور فلمساز مہیش بھٹ نے پاکستانی گلوکار شفقت امانت علی خان کو اپنی آئندہ آنے والی فلم" ملنے دو "میں گانے کیلئے رابطہ کیا ہے ۔

مہیش بھٹ کاکہنا تھا کہ بھارتی حکومت نے صفائی دے دی ہے کہ پاکستانی فنکاروں پر کوئی سرکاری پابندی نہیں ہے۔

ذرائع کے مطابق مہیش بھٹ نے اس حوالے سے علی ظفر سے بھی رابطہ کیا ہے۔

واضح رہے پاکستانی فنکاروں پر پابندی کے بعد کسی پاکستانی آرٹسٹ کا یہ پہلابھارتی پراجیکٹ ہو گا۔

بشکریہ بولی وڈ ببل