Aaj News

ہفتہ, مئ 18, 2024  
09 Dhul-Qadah 1445  

ٹریفک حادثہ ،کشمالا طارق کے بیٹے کی عبوری ضمانت میں توسیع

وفاقی محتسب برائے حراسگی کشمالہ طارق کی گاڑی کے ٹریفک حادثے میں...
شائع 16 فروری 2021 08:23pm

وفاقی محتسب برائے حراسگی کشمالہ طارق کی گاڑی کے ٹریفک حادثے میں چار افراد کی ہلاکت کے معاملے میں اسلام آباد کی مقامی عدالت نے کشمالہ طارق کے بیٹے اذلان کی عبوری ضمانت میں 24 فروری تک توسیع کردی گئی۔

ٹریفک پولیس کو اذلان کے ڈرائیونگ لائسنس کی تصدیق کا حکم دے دیا۔

کشمالہ طارق کے بیٹے اذلان کی عبوری درخواست ضمانت پرسماعت ایڈیشنل سیشن جج شیخ محمد سہیل نے کی۔ ملزم اذلان اپنے وکیل کے ہمراہ عدالت میں پیش ہوئے ۔

وکیل صفائی کی جانب سے عدالت کو بتایا کہ ہمارا متوفیان کے ورثاء سے راضی نامہ ہو چکا ہے۔عدالت کی جانب سے استفسار کیا گیا کہ متوفیان کے ورثاء اور ملزم کدھر ہیں۔جس پر عدالت کو بتایا گیا کہ وہ کمرہ عدالت میں ہی موجود ہیں، بیان حلفی عدالت میں جمع کرا دئیے گئے۔ابھی دو متوفیان کے ورثاء سے راضی نامہ ہوا ہے تیسرے سے ہو رہا ہے اس لیے ازلان پیش نہیں ہوا۔

متوفی فاروق اور عادل عباسی کے والدین نے عدالت میں بیان دیدیا۔اگلی سماعت پر مدعی کا وکیل درخواست ضمانت پر دلائل دیں گے۔عدالت نے آئندہ سماعت تک پولیس کو ملزم اذلان کے لائسنس کی تصدیق کرنے کا حکم دیتے ہوئے ملزم ازلان کی عبوری ضمانت میں 24 فروری تک توسیع کر دی۔

car accident