ڈھائی سال سے زائد عرصہ بعد چوہدری نثار علی خان نے حلف اٹھانے کا فیصلہ کرلیا۔آئندہ ہفتے ممبر پنجاب اسمبلی کی حیثیت سے حلف لیں گے، قریبی ذرائع نے تصدیق کردی۔

چوہدری نثار علی خان نے قریبی دوستوں سے مشاورت کے بعد حلف اٹھانے کا فیصلہ کرلیا۔

قریبی ذرائع نے تصدیق کرتے ہوئے کہاکہ مئی کے آخری ہفتے میں چوہدری نثار رکن پنجاب اسمبلی کا حلف لیں گے۔

چوہدری نثارعلی خان کو 2018 کے عام انتخابات میں قومی اسمبلی کی نشست پر شکست ہوئی تھی تاہم پی پی 10 راولپنڈی سے ممبر صوبائی اسمبلی منتخب ہوئے تھے تاہم انہوں نے اب تک حلف نہیں لیا۔