Aaj TV News

BR100 5,282 Increased By ▲ 24 (0.46%)
BR30 27,601 Increased By ▲ 46 (0.17%)
KSE100 48,305 Increased By ▲ 53 (0.11%)
KSE30 19,479 Decreased By ▼ -59 (-0.3%)
COVID-19 TOTAL DAILY
CASES 941,170 1,239
DEATHS 21,689 56
Sindh 327,604 Cases
Punjab 343,926 Cases
Balochistan 26,201 Cases
Islamabad 82,099 Cases
KP 135,877 Cases

اطلاعات کے مطابق شمالی کوریا نے گزشتہ ماہ اسرائیل کی جانب سے کیے جانے والے آپریشن گارجیئن آف دی والز میں اسرائیل پر نسل کشی، انساینت کےخلاف جرائم اور بچوں کو نشانہ بنانے کا الزام عائد کیا ہے۔

جمعے کو شمالی کوریا کے دارالحکومت پیونگ یانگ سے جاری وزارت خارجہ کے بیان کے بعد سے یروشلم پوسٹ اور اسرائیل ہایوم جیسے اسرائیل کے اہم جریدوں پر اس خبر نے جگہ بنالی ہے۔

یروشلم پوسٹ کےمطابق جاری بیان میں کہا گیا ہے کہ اسرائیل شدید مردم بیزار نفسیات اور سرحدوں کے پھیلاؤ کا عزم رکھتا ہےاور دیگر اقوام کو تباہ و برباد کرنے کےلئے ریاستی دہشتگردی کا مرتکب ہورہا ہے۔

بیان میں مزید کہا گیا کہ اس بات میں کوئی مبالغہ آرائی نہیں کہ غزہ پٹی ایک بڑا انسانی ذبیح خانہ اور بچوں کے قتلِ عام کی جگہ بن چکا ہے۔

شمالی کوریا نے کہا ہے کہ اسرائیل کی جانب سے کیے جانے والے اقدام انسانیت کیخلاف جرائم ہیں جو انسانیت کے مستقبل کےلئے خطرہ ہیں۔

اسرائیل ہایوم کے مطابق شمالی کوریا نے دو ٹوک الفاظ میں کہا ہے کہ دنیا کو اسرائیل کی دہشتگردی کو برداشت نہیں کرنا چاہیئے۔