Aaj.tv Logo

اسلام آباد:چین سے خصوصی پرواز کے ذریعے کورونا ویکسین کی 15لاکھ سے زائد خوراکیں پاکستان پہنچ گئیں۔

پاکستان کو کورونا ویکسین کی نئی کھیپ مل گئی،سائنو ویک کی15لاکھ ڈوز چین سے اسلام آباد پہنچادی گئی۔

این سی او سی کے مطابق کورونا ویکسین پی آئی اے کے خصوصی طیارے کے ذریعے اسلام آباد ایئر پورٹ پہنچائی گئیں،سائنو ویک ویکسین چین سے خریدی گئی ہیں۔

این سی او سی کا کہناہے کہ ویکسین کی ترسیل جاری رکھنے کیلئے20 سے 30 لاکھ خوراکیں اگلے ہفتے پہنچ جائیں گئی، ویکسین فیڈرل یونٹس کو ان کی ضرورت کے مطابق فراہم کی جائے گی۔