Aaj News

جمعہ, مارچ 29, 2024  
18 Ramadan 1445  

شام ادریس اور فروگی پر مسلمانوں اور اسلام کو بدنام کرنے کا الزام

کسی نہ کسی وجہ سے مسلسل تنازعات کا شکار رہنے والے یوٹیوبر جوڑے...
اپ ڈیٹ 09 ستمبر 2021 12:25pm

کسی نہ کسی وجہ سے مسلسل تنازعات کا شکار رہنے والے یوٹیوبر جوڑے شام ادریس اور ان کی اہلیہ فروگی پر اب مسلمانوں اور اسلام کو بدنام کرنے کا الزام عائد کردیا گیا ہے۔

یوٹیوبرز شام ادریس اور ان کی اہلیہ سحر عرف کوئین فروگی نے سوشل میڈیا پر کچھ ویڈیو پوسٹ کیں جن میں انہوں نے کینیڈین کیفے چین ڈییمیٹرز پر نسل پرستی کا الزام لگایا۔ تاہم، ریسوٹورنٹ چین کا بیان سامنے آنے کے بعد سوشل میڈیا پر شام ادریس اور ان کی اہلیہ پر "جھوٹا الزام" لگانے پر تنقید کی جارہی ہے۔

فیس بک کے مقبول گروپس میں سے ایک "سول سسٹرز پاکستان" کی بانی کنول احمد نے معاملے پر اپنے ردعمل کا اظہار کرتے ہوئے لکھا کہ 'شام ادریس اپنی اہلیہ کے ساتھ مل کر حجاب سے متعلق امتیازی سلوک کیے جانے کا جھوٹ بولا اور کینیڈا میں مقیم مسلمانوں کے ساتھ غلط کیا'۔

کنول احمد کا کہنا تھا کہ 'ایسا کرنے سے اسلاموفوبیا سے متعلق اصل شکایات کو نقصان پہنچے گا'۔

انہوں نے اپنی پوسٹ میں کچھ لوگوں کے بیان بھی شیئر کیے کہ کورونا وائرس کی پابندیوں پر عمل نہ کرنے کی وجہ سے شام ادریس اور ان کے ساتھ موجود افراد کو وہاں بیٹھنے نہیں دیا گیا۔

کچھ صارفین کا کہنا تھا کہ شام ادریس صرف یکطرفہ بات بتارہے ہیں۔

تنقید کے بعد شام ادریس نے ایک ویڈیو پوسٹ کی جس میں ان کا کہنا تھا کہ ان کے پاس ثبوت موجود ہیں، جس پر سوشل میڈیا صارفین نے ان سے ثبوت پیش کرنے کا مطالبہ کردیا۔

انسٹاگرام پر جاری ویڈیو میں معاملے کی مبینہ یکطرفہ تفصیلات بیان کرتے ہوئے ان کا کہنا تھا کہ 'ہمیں زندگی کے بدترین تجربے کا سامنا ہوا، نسل پرستانہ سرورز نے ہمیں بتایا کہ وہ ہمارے جیسے لوگوں کو خدمات فراہم نہیں کریں گے'۔

کوئین فروگی نے اپنی پوسٹ کے کیپشن میں لکھا کہ 'مجھے بہت دکھ پہنچا ہے، ڈیمیٹرز اوکول نے ہمارا آرڈر نہیں لیا اور ہمیں بتایا کہ مسلمان ہونے اور حجاب لینے کی وجہ سے ہمارا وہ آرڈر نہیں لیں گے'۔

ساتھ ہی انہوں نے اپنے مداحوں سے درخواست کی کہ وہ گوگل میپس پر جاکر ڈیمیٹرز کو ریویو میں ون اسٹار دیں اور #BanIslamophobia کا ہیش ٹیگ بھی استعمال کریں۔

فروگی نے مزید لکھا کہ 'ہمیں کہا گیا کہ اگر ہم ریسٹورنٹ سے نہیں گئے تو وہ پولیس کو بلائیں گے، ایسا اس لیے کیا گیا کیونکہ ہم مسلمان ہیں اور وہ ہمارا آرڈر نہیں لینا چاہتے تھے۔

کینیڈین کیفے نے بھی سوشل میڈیا پر مذکورہ واقعے سے متعلق ایک وضاحتی بیان جاری کیا، جس میں کہا گیا کہ 'ہمارا خیال ہے ریسٹورنٹ میں کورونا وائرس پابندیوں کی وجہ سے سیٹنگ ارینجمنٹ پر ہمارے عملے اور مہمانوں کے درمیان غلط فہمی ہوئی اور صورتحال بگڑنے پر مہمانوں کو وہاں سے جانے کے لیے کہا گیا تھا'۔

Youtubers

Comments are closed on this story.

تبصرے

تبولا

Taboola ads will show in this div