Aaj TV News

BR100 4,660 Increased By ▲ 141 (3.13%)
BR30 18,804 Increased By ▲ 527 (2.88%)
KSE100 45,330 Increased By ▲ 1216 (2.76%)
KSE30 17,550 Increased By ▲ 516 (3.03%)
COVID-19 TOTAL DAILY
CASES 1,284,365 176
DEATHS 28,709 5
Sindh 475,248 Cases
Punjab 442,950 Cases
Balochistan 33,479 Cases
Islamabad 107,626 Cases
KP 179,928 Cases

اسلام آباد ہائیکورٹ نے اختیارات تجاوز کیخلاف کیس میں ایف آئی اے کو مکمل پیشرفت رپورٹ جمع کرانے کی ہدایت کر دی، چیف جسٹس اطہرمن اللہ نے ریمارکس دیئے کہ سوشل میڈیا صرف صحافیوں کے استعمال تک محدود نہیں ، سوشل میڈیا پر جو بات کر رہے ہیں اگرغلط بھی ہو تو ان کی بات سننی تو چاہیئے۔

اسلام آبادہائیکورٹ کے چیف جسٹس اطہرمن اللہ نے ایف آئی اے کے اختیارات سے تجاوز کیخلاف کیس پر سماعت کی۔

چیف جسٹس اطہر من اللہ نے استفسار کیا کہ کیوں ایف آئی اے کے ایس او پیز پرعمل نہیں ہو رہا؟ جہاں پرڈریکونین لاز ہیں وہاں ایسے قوانین استعمال ہوتے ہیں، جو آپ بتا رہے ہیں قانون کی یہ شقیں بنانے والوں نے خود انہیں استعمال کرنا چھوڑ دیا،شہریوں کے بنیادی حقوق کا تحفظ عدالت کی ذمہ داری ہے ،نفرت انگیزتقاریر روزانہ سوشل میڈیا پرچل رہی لیکن ایک شخص بھی نہیں پکڑا۔

ایڈیشنل اٹارنی جنرل نے کہا کہ 2سالوں میں 1 لاکھ 78 ہزارشکایات اور1ہزار831 افراد گرفتار ہوئے۔

چیف جسٹس اطہر من اللہ نے ریمارکس دیے کہ ایسا تاثرنہیں جانا چاہیئےکہ ایف آئی اے کسی کو ٹارگٹ کررہی ہے۔

عدالت نے اسٹیک ہولڈرز کے ساتھ مشاورت مکمل کرنے کی ہدایت کرتے ہوئے سماعت ملتوی کردی۔