پاکستان کرکٹ بورڈ کے ہیڈ کوارٹرز کے باہر شائقین نے احتجاجی مظاہرہ کیا۔ مظاہرین نے چیئرمین پی سی بی رمیز راجا سے ورلڈ کپ اسکواڈ میں تبدیلیوں کا مطالبہ کردیا۔

پی سی بی کے دفاتر قذافی اسٹیڈیم کے باہر نوجوانوں نے ورلڈ کپ کےلئے منتخب اسکواڈ کے خلاف مظاہرہ کیا۔

مظاہرین نے ہاتھوں میں پلے کارڈز اٹھا رکھے تھے جبکہ شرکا نے ٹیم سلیکشن کے خلاف شدید نعرے بازی کی۔

مظاہرین نےکہاٹیم کا انتخاب میرٹ پرنہیں کیا گیا۔مڈل آرڈر کمزور ہے، میگا ایونٹ سے قبل مڈل آرڈر میں تبدیلیاں کی جائیں۔اعظم خان کو معین خان کا بیٹا ہونے کی بنا پر منتخب کیا گیا۔

مظاہرین نے پاکستان کرکٹ میں سفارشی کلچر بند کرنے کا مطالبہ بھی کیا اور امید ظاہر کی کہ چیرامین رمیز راجا ایکشن لیں گے۔