Aaj News

جمعہ, مارچ 29, 2024  
18 Ramadan 1445  

بلدیاتی اداروں کو بے اختیار نہیں ہونے دیں گے، علی زیدی

کراچی: سندھ کی اپوزیشن جماعتوں نے بلدیاتی قانون کے خلاف رواں...
شائع 10 جنوری 2022 06:12pm

کراچی: سندھ کی اپوزیشن جماعتوں نے بلدیاتی قانون کے خلاف رواں ہفتے احتجاجی مہم شروع کرنے کا فیصلہ کیا ہے۔

پی ٹی آئی کے صوبائی صدر علی زیدی نے سندھ کے لوکل گورنمنٹ قانون کے خلاف مہم میں حصہ لینے کا اعلان کیا ہے۔

علی زیدی نے کہا کہ آل اسٹیک ہولڈرز کانفرنس نے ظالمانہ قانون کے خلاف مشترکہ جدوجہد شروع کرنے کا فیصلہ کیا ہے۔

انہوں نے کہا کہ ہم سندھ کے بلدیاتی اداروں کو بے اختیار نہیں ہونے دیں گے۔

علی زیدی نے ترمیم شدہ لوکل گورنمنٹ قانون کو آئین کے آرٹیکل 140-A کی اصل روح کے خلاف قرار دیا۔

ان کا کہنا تھا کہ تمام اپوزیشن جماعتیں اس ظالمانہ قانون کے خلاف ایک صفحے پر ہیں۔

انہوں نے الزام لگایا کہ سندھ کے اداروں کو زرداری مافیا نے یرغمال بنا رکھا ہے۔

Ali Zaidi

sindh

Comments are closed on this story.

تبصرے

تبولا

Taboola ads will show in this div