Aaj.tv Logo

کراچی: وزیر اعلیٰ سندھ مراد علی شاہ نے کہا ہے کہ صوبائی حکومت اختیارات سے متعلق سپریم کورٹ میں نظرثانی کی درخواست دائر کرسکتی ہے۔

مراد علی شاہ نے کہا کہ صوبائی حکومت سپریم کورٹ کے حکم پر عمل درآمد کرے گی، تاہم وہ صوبائی یا قومی اسمبلی کے بلدیاتی اداروں کو اختیارات نہیں دے سکتی۔

انہوں نے کہا کہ سندھ حکومت آئین کے آرٹیکل 140A پر عملدرآمد کے لیے تیار ہے۔

انہوں نے کہا کہ سندھ میں لوکل گورنمنٹ ایکٹ کی منظوری صوبائی اسمبلی نے دی تھی جب کہ پنجاب اور اسلام آباد میں بلدیاتی انتخابات کے لیے آرڈیننس لایا گیا۔

سپریم کورٹ نے مقامی حکومت کے اختیارات سے متعلق کیس میں ایم کیو ایم کی درخواست نمٹاتے ہوئے سندھ حکومت کو بلدیاتی نظام کو بااختیار بنانے کی ہدایت کی ہے۔