Aaj News

جمعہ, مارچ 29, 2024  
18 Ramadan 1445  

اورینج لائن کی 20 بسیں کراچی پہنچ گئیں

صوبائی وزیر نے بتایا کہ اورینج لائن روٹ کا سول انفراسٹرکچر کا کام 97 فیصد مکمل ہوگیا ہے۔
اپ ڈیٹ 19 مئ 2022 03:52pm
شرجیل انعام میمن ___ٹوئٹر فوٹو
شرجیل انعام میمن ___ٹوئٹر فوٹو
اورینج لائن بس اسٹیشن
اورینج لائن بس اسٹیشن

کراچی: عبدالستار ایدھی اورینج لائن بس منصوبہ کے آغاز کا وقت قریب آگیا۔

آج نیوز کے مطابق صوبائی وزیر اطلاعات و ٹرانسپورٹ شرجیل انعام میمن کے مطابق عبدالستار ایدھی اورینج لائن کی 20 بسیں بس ڈپو پہنچ گئیں۔

صوبائی وزیر نے بتایا کہ 20 بسوں کی کھیپ گزشتہ شب بندرگاہ سے ڈپو پہنچ گئی ہے، اورینج لائن روٹ کا سول انفراسٹرکچر کا کام 97 فیصد مکمل ہوگیا ہے۔

بس ڈرائیورز کی تربیت کے بعد جلد آغاز ہوگا جبکہ بس کا 3.88 کلومیٹر کوریڈور ہے۔

تاہم یہ کوریڈور ٹاؤن میونسپل ایڈمنسٹریشن آفس اورنگی سے شروع ہو کر جناح یونیورسٹی برائے خواتین پر ختم ہوتا ہے۔

شرجیل میمن نے کہا کہ کوریڈور کے چار جدید سہولیات سے آراستہ اسٹیشن تعمیر کئے گئے ہیں جبکہ روزانہ 50 ہزار افراد کے سفر کرنے کا اندازہ لگایا گیا ہے۔

انہوں نے کہا کہ اورینج لائن کو گرین لائن سے منسلک کرنے کے لیے بھی احکامات جاری کر دیئے ہیں۔

صوبائی وزیر نے کہا کہ دونوں بی آر ٹی کی انٹیگریشن کے بعد اورینج لائن بسیں ناگن چورنگی تک چلیں گی۔

karachi

Comments are closed on this story.

تبصرے

تبولا

Taboola ads will show in this div