Aaj News

جمعہ, مارچ 29, 2024  
18 Ramadan 1445  

ایک خواب پورا ہوا: ثروت گیلانی کا 'جوائی لینڈ' کی نمائش پر ردعمل

پاکستانی اسٹار ثروت گیلانی نے کہا ہے کہ کانز فلم فیسٹیول میں پاکستان کی پہلی انٹری پرایسا لگا جیسے “ایک خواب پورا ہو...
شائع 25 مئ 2022 01:27pm

پاکستانی اسٹار ثروت گیلانی نے کہا ہے کہ کانز فلم فیسٹیول میں پاکستان کی پہلی انٹری پرایسا لگا جیسے "ایک خواب پورا ہو گیا ہے"۔

ثروت گیلانی نے رائٹرز کو بتایا کہ "ایسا محسوس ہوتا ہے کہ لوگ جتنی محنت کرتے ہیں، پاکستان میں فنکاروں کے طور پر ہمیں جن جدوجہد کا سامنا کرنا پڑتا ہے، وہ سب قابل قدر ہیں۔"

ثروت گیلانی، ایک فلم اور ٹی وی سٹار جو اپنی تازہ ترین سیریز "چڑیل" کیلئے مشہور ہیں، جوی لینڈ میں نوچی کا کردار ادا کرتی ہیں۔

نوچی کا تعلق ایک ایسے گھرانے سے ہے جو طویل عرصے سے خاندانی سلسلے کو جاری رکھنے کے لیے بیٹے کی پیدائش کی امید رکھتا ہے، اس کی مسلسل تین بیٹیوں کی پیدائش اس کے قدامت پسند سسر کو خوش کرنے کے لیے کافی نہیں ہے۔

اور اس کے بہنوئی حیدر کو خفیہ طور پر ایک ٹرانس جینڈر خاتون بیبا سے محبت ہو جاتی ہے، جو بطور اداکار کام کرنے کے اپنے حق کے لیے لڑتی ہے۔

جوائے لینڈایک پیشہ اختیار کرنے کی خواہش مند خواتین کی مایوسی کا بھی جائزہ لیتا ہے، جب حیدر کی بیوی ممتاز ڈپریشن میں پڑ جاتی ہے کہ وہ گھر میں رہنے اور گھر کے کام کرنے اور میک اپ آرٹسٹ کے طور پر کام کرنا چھوڑ دینے پر مجبور ہو جاتی ہے۔

ثروت نے کہا "یہ اب صرف محبت کی کہانی کے بارے میں نہیں ہے، یہ حقیقی وقت کے مسائل، حقیقی زندگی کے مسائل کے بارے میں ہے جن سے ہم سب گزرتے ہیں۔"

"ایک عورت، ایک ٹرانس، معاشرے کے اس شعبے کی نمائندگی کرتی ہے، میرے خیال میں یہ اس سمت میں ایک اچھا قدم ہے جہاں ہم کہہ سکتے ہیں کہ ہم ترقی پسند کہانیاں لکھ سکتے ہیں۔"

گیلانی نے کہا کہ انہیں امید ہے کہ پاکستانی فلم دیکھنے والے اور ناقدین جوائی لینڈ کو کانز میں اتنا ہی گرم جوشی سے پذیرائی دیں گے۔

کانز فلم فیسٹیول 17 سے 28 مئی تک جاری رہے گا جس کے آخری دن انعامات تقسیم کیے جائیں گے۔

Cannes

entertainment

Comments are closed on this story.

تبصرے

تبولا

Taboola ads will show in this div